सौंदत्ती तालुक्यातील सुप्रसिद्ध जागृत यल्लम्मा देवस्थान भक्तांच्या दर्शनासाठी खुले करण्यात येणार असल्याची माहिती उपलब्ध झाली आहे. शुक्रवारी याबाबत अधिकृत माहिती जाहीर होण्याची शक्यता आहे.
येत्या 1 फेब्रुवारीपासून हे देवस्थान दर्शनासाठी खुले करण्यात येण्याची तयारी जिल्हा प्रशासनाच्या वतीने करण्यात येत आहे. चिंचली मायाक्का देवस्थान तसेच यल्लम्मा देवस्थान ही दोन्ही देवस्थान भक्तांना दर्शनासाठी खुली करण्यात येणार आहेत.
कोरोनाच्या पार्श्वभूमीवर अनेक देवस्थान बंद होती. परंतु भक्तांच्या मागणीचा विचार करून येत्या 1 फेब्रुवारीपासून ही देवस्थान खुली करण्याचा विचार जिल्हा प्रशासनाच्या वतीने करण्यात येत आहे. यल्लम्मा देवस्थानात कर्नाटकासह गोवा आणि महाराष्ट्रातून
लाखो भाविक दर्शनासाठी येतात. यामुळे उद्या याबाबत अधिकृत आदेश जाहीर होण्याची शक्यता आहे.
