कोरोनाचे संकट दिवसेंदिवस वाढत चालले असून चिकन विक्री करणाऱ्या एका महिलेचा कोरोनाने बळी घेतला आहे.बेळगाव जिल्ह्यातील हुक्केरी गावात ही घटना घडली असून त्या महिलेच्या दुकानात चिकन घेतलेल्या ग्राहकांचे धाबे दणाणले आहे.
58 वर्षीय महिला हुक्केरी येथे आपल्या कुटुंबा समवेत चिकन दुकान चालवत होती.गुरुवारी तिला श्वासोच्छवासाचा त्रास झाल्यामुळे तिला डॉक्टरना दाखवण्यात आले पण त्याचा काही उपयोग न होता ती महिला मृत झाली.
ती महिला मृत झाल्यावर तिचा स्व्याब तपासणीसाठी घेण्यात आला होता.स्व्याब तपासणी अहवाल पॉजीटिव्ह आला आहे.त्यामुळे ती महिला राहत असलेला परिसर पोलीस आणि नगरपालिकेने सील केला आहे.
मृत महिलेच्या कुटुंबातील आणि तिच्यावर उपचार केलेल्या संकेश्वर येथील डॉक्टर आणि कुटुंबियांना क्वारंटाईन करण्यात आले आहे.त्या महिलेच्या दुकानातून चिकन खरेदी करून चिकन खाल्लेल्या लोकांची मात्र आता जिभेची चव गेली आहे.
