बेळगाव लाईव्ह :श्री गणेशोत्सवानिमित्त बेळगाव शहरातील कायदा आणि सुव्यवस्थेच्या दृष्टिकोनातून उद्या मंगळवार दि 19 रोजी सकाळी 6 वाजल्यापासून बुधवार दि 20 सप्टेंबर 2023 रोजी सायंकाळी 6 वाजेपर्यंत, त्याच प्रमाणे श्री गणेश विसर्जनाप्रसंगी दि. 28 रोजी सकाळी 6 वाजल्यापासून दि. 29 सप्टेंबर सायंकाळी 6 वाजेपर्यंत बेळगाव शहर आणि तालुक्यातील मद्य अर्थात दारू विक्री बंद ठेवण्याचा आदेश जिल्हा दंडाधिकारी आणि बेळगाव शहर पोलीस आयुक्तांनी जारी केला आहे.
श्री गणेशोत्सवाला उद्या मंगळवारी 19 सप्टेंबर रोजी श्री गणेश चतुर्थी दिवशी गणरायाच्या प्रतिष्ठापनेने प्रारंभ होणार असल्यामुळे उद्या सकाळी 6 वाजल्यापासून परवा बुधवारी सकाळी 6 वाजेपर्यंत,
तसेच अनंत चतुर्दशी दिवशी म्हणजे श्री विसर्जना दिवशी गुरुवारी 28 रोजी सकाळी 6 वाजल्यापासून शुक्रवारी 29 सप्टेंबर रोजी सायंकाळी 6 वाजेपर्यंत शहर व तालुक्यातील सर्व दारू दुकाने, वाईन शॉप्स, बार, क्लब्स,
तसेच केएसबीसीएल डेपो आणि हॉटेल्स मधील बार बंद ठेवण्यात यावेत. संबंधित दिवशी अबकारी खात्याच्या दारू दुकानांसह अन्य सर्व दारू विक्री दुकानांना त्याचप्रमाणे हॉटेल्समधील बार्सना सील ठोकण्यात यावे, असा आदेश जिल्हा दंडाधिकारी आणि बेळगांव शहर पोलीस आयुक्तांनी बजावला आहे
