सांबरा विमानतळावरील विमान फेऱ्यांमध्ये उल्लेखनीय वाढ

काही वर्षांपूर्वी विमानसेवे अभावी भकास वाटणारे बेळगावचे सांबरा विमानतळ अलीकडच्या काळात सातत्यपूर्ण विमान सेवेमुळे गजबजू लागले आहे. गेल्या वर्षात एप्रिल ते नोव्हेंबर या कालावधीत अवघ्या 860 घरगुती विमान फेऱ्या झालेल्या या विमानतळावर यंदा त्याच कालावधीत तब्बल 3 हजार 159 घरगुती विमान फेऱ्या झाल्या आहेत.

हवाई दळणवळणाच्या नकाशावर आता बेळगावचे नांव झळकु लागले आहे. याला कारण म्हणजे अलीकडे काही वर्षात पासून येथील सांबरा विमानतळावरून विविध विमान कंपन्यांनी आपली विमान सेवा उपलब्ध करून देण्यास सुरुवात केली आहे. यापैकी प्रामुख्याने स्थानिक विमान फेऱ्यांचा तुलनात्मक उल्लेख करायचा झाल्यास गेल्यावर्षी 2018 साली नोव्हेंबर महिन्यात बेळगावला फक्त 62 घरगुती विमान फेऱ्या झाल्या होत्या, तर 2019 साली नोव्हेंबर महिन्यात त्यात वाढ होऊन त्या 586 इतक्या झाल्या होत्या. त्याचप्रमाणे एप्रिल ते नोव्हेंबर या कालावधीत 2018- 19 झाली 860 फेऱ्या तर 2019- 20 साली 3159 स्थानिक विमान फेर्‍या झाल्या.

बेळगाव सांबरा विमानतळावरून नोव्हेंबर 2018 मध्ये 5047 प्रवाशांनी घरगुती विमान फेऱ्यांचा लाभ घेतला. याउलट नोव्हेंबर 2019 मध्ये त्यात मोठी वाढ होऊन तब्बल 29 हजार 640 प्रवाशांनी घरगुती विमान फेऱ्यांचा लाभ घेतला. गेल्यावर्षी 2018- 19 साली एप्रिल ते नोव्हेंबर या कालावधीत बेळगाव सांबरा विमानतळावरून 54011 प्रवाशांनी स्थानिक विमान फेऱ्यांचा लाभ घेतला. यामध्ये यंदाच्या साली 2019- 20 च्या एप्रिल ते नोव्हेंबर या काळात 150071 प्रवाशांनी स्थानिक विमान सेवेचा लाभ उठविला.

गेल्यावर्षी 2018 साली नोव्हेंबर महिन्यात हुबळीला 684 घरगुती विमान फेऱ्या झाल्या होत्या, तर 2019 साली नोव्हेंबर महिन्यात त्यात घट होऊन त्या 585 इतक्या झाल्या होत्या. त्याचप्रमाणे एप्रिल ते नोव्हेंबर या कालावधीत 2018- 19 झाली 4307 फेऱ्या तर 2019- 20 साली 4556 स्थानिक विमान फेर्‍या झाल्या.

हुबळी विमानतळावरून नोव्हेंबर 2018 मध्ये 50253 प्रवाशांनी घरगुती विमान फेऱ्यांचा लाभ घेतला. याउलट नोव्हेंबर 2019 मध्ये त्यात मोठी वाढ होऊन तब्बल 37 हजार 762 प्रवाशांनी घरगुती विमान फेऱ्यांचा लाभ घेतला. गेल्यावर्षी 2018- 19 साली एप्रिल ते नोव्हेंबर या कालावधीत हुबळी विमानतळावरून 271131 प्रवाशांनी स्थानिक विमान फेऱ्यांचा लाभ घेतला. यामध्ये यंदाच्या साली वाढ होऊन 2019- 20 च्या एप्रिल ते नोव्हेंबर या काळात 326485 प्रवाशांनी स्थानिक विमान सेवेचा लाभ उठविला.