बेळगाव महानगरपालिकेच्या विविध स्थायी समिती आणि त्यांचे सदस्य खालील प्रमाणे आहेत.
कर, वित्त आणि अपील स्थायी समिती : अध्यक्ष -विणा श्रीशैल विजापुरे, सदस्य -रेखा मोहन हुगार, उदयकुमार विठ्ठल उपरी, संदीप अशोक जिरग्याळ, प्रीती विनायक कामकर, रेश्मा परवेज बैरकदार, शामोबीम सलीमखान पठाण.
सार्वजनिक आरोग्य शिक्षण आणि सामाजिक न्याय स्थायी समिती : अध्यक्ष -रवी कृष्णा धोत्रे, सदस्य -रमेश श्रीकांत मेलुगोळ, रेश्मा बसवराज कामकर, श्रेयस सोमशेखर नाकाडी, जयंत जाधव, खुर्शिदा दादापीर मुल्ला, इक्रा मुल्ला.
शहर योजना आणि विकास स्थायी समिती : अध्यक्ष -वाणी विलास जोशी, सदस्य -आनंद चव्हाण, मंगेश पवार, संतोष पेडणेकर, रूपा संतोष चिक्कलदिन्नी, जरीना फत्तेखान, शकीला घोरीसाब मुल्ला.
लेखा स्थायी समिती : अध्यक्ष -मुरुगेन्द्रगौडा पाटील, सदस्य -गिरीश धोंगडी, अभिजीत जवळकर, व्यंकटेश जयतीर्थ, पूजा इंद्रजीत पाटील, ज्योती राजू कडोलकर, अफ्रोज मुल्ला.
कोणताही नगरसेवक एकाच वेळी दोन स्थायी समितीचा सदस्य असू शकत नाही. महापौर आणि उपमहापौर हे उभयता सर्व स्थायी समिती यांचे सदस्य असले तरी त्यांना मतदानाचा अधिकार नसतो.
स्थायी समितीचा कार्य कालावधी त्यांची निवड झाल्याच्या तारखेपासून एक वर्षासाठीचा असतो. नगरसेवक नसलेल्या व्यक्तीला स्थायी समितीचा सदस्य होता येत नाही किंवा स्थायी समितीच्या सलग तीन बैठकांना गैरहजर असलेल्याचे सदस्यत्व रद्द होऊ शकते.
प्रत्येक स्थायी समितीच्या सदस्यांना आपल्यातील एकाची चेअरमन अर्थात अध्यक्ष म्हणून निवड करावी लागते. जो आपल्या वारसदाराची निवड होईपर्यंत स्थायी समितीचे नेतृत्व करतो आणि पुन्हा अध्यक्षपदाची निवडणूक लढविण्यासाठी पात्र असतो.
