बेळगाव लाईव्ह : बैलहोंगल तालुक्यातील गद्दिकरविनकोप्प येथील एका शेतात भल्या मोठ्या आकाराचा पांढऱ्या रंगाचा फुगा पडल्याने परिसरातील नागरिकांमध्ये भीतीचे वातावरण पसरले होते.
या फुग्यांमध्ये इलेक्ट्रॉनिक डिव्हाईस असल्याने एकाच खळबळ उडाली होती. सदर बाब गांभीर्याने घेत जिल्हा पोलीस प्रमुखांनी घटनास्थळी येऊन पाहणी केली.
पाहणी नंतर हे एक हवामान संशोधनातील तापमान पाहण्यासाठी वापरण्यात आलेले उपकरण असल्याचे स्पष्ट झाले असून याबाबत नागरिकांनी घाबरून न जाण्याचे आवाहन एसपी संजीव पाटील यांनी केले आहे.
हा फुगा शेतात आढळून आल्यानंतर परिसरातील नागरिकांनी पोलिसांशी संपर्क साधून हि माहिती दिली. बैलहोंगलचे पोलीस तसेच जिल्हापोलिस प्रमुख देखील घटनास्थळी पोहोचले.
यावेळी सदर उपकरण हवामानातील आर्द्रता, वाऱ्याचा वेग तपासण्यासाठी वापरण्यात आल्याचे प्राथमिक माहितीत पुढे आले असणं ज्यांनी हा बलून हवेत सोडला आहे त्यांच्याशी संपर्क साधण्याचा प्रयत्न होत असून नागरिकांनी घाबरून जाऊ नये, असे सांगण्यात आले आहे.
