छ. शिवाजी महाराज कुस्ती संघटना व शादरुद्दीन दर्गा उरूस कमीटी यांच्या संयुक्त विद्यमाने येत्या रविवार दि. 26 फेब्रुवारी रोजी पिरनवाडी येथे जंगी कुस्ती मैदान आयोजित करण्यात आले आहे आहे.
सदर कुस्ती मैदानाच्या पूर्वतयारीची बैठक आज गुरुवारी कुस्तीगीर कार्यालयात बैठक पार पडली. बैठकीच्या अध्यक्षस्थानी आप्पाजी मुचंडीकर हे होते. बैठकीस छ. शिवाजी महाराज कुस्ती संघटनेचे सेक्रेटरी सचिन गोरले, उद्योगपती सतीश पाटील, ग्रा. पं. अध्यक्ष राकेश तळवार, वरिन्द्र मुचंडिकर, मल्लाप्पा उचगावकर, मोहन शास्त्री, सुधाकर देसाई, अप्पाय्या नानापा पाटील, अन्सार हुबळीवाले, इम्तीयाज बडीजरवाले, लतीफ डी. मुजावर, युनूस मुजावर, मुन्ना नंबिवाले, राजू पाटील, वैजू पाटील, महावीर पाटील, अप्पाना पाटील आदी उपस्थित होते. बैठकीत कुस्ती मैदानाच्या आयोजनाबाबत चर्चा करण्यात आली.
उरूसानिमित्त प्रती वर्षाप्रमाणे यंदा 26 फेब्रुवारी रोजी आयोजीत भव्य जंगी कुस्ती मैदानातील प्रमुख कुस्ती पै. जसा पट्टी व पै. गुरुप्रीत सिंग दिल्ली ( भारत केसरी) यांच्यात होणार आहे.
दुसऱ्या क्रमांकाची कुस्ती महाराष्ट्र केसरी पै. शिवराज राक्षे व पै. पालंदर मथुरा यांच्यात, तिसऱ्या क्रमांकाची महाराष्ट्र चॅम्पियन पै. बाळू बोकडे व पै. हॅपी पंजाब यांच्यात, चौथ्या क्रमांकाची कुस्ती कर्नाटक केसरी पै. कार्तीक काटे व पै. राकेश कुमार ( पंजाब) यांच्यात, पाचव्या क्रमांकाची पै. संगमेश (मठपती आखाडा ) व पै. विक्रम भोसले यांच्यात,
सहाव्या क्रमांकाची कुस्ती पै. शिवाय्या पूजारी आणि पै. विनय मांडवे यांच्यात होईल. याखेरीज 50 हून अधिक लहानमोठ्या कुस्त्या या मैदानात होणार आहेत. सर्वांनी या कुस्त्यांचा थरार अनुभवण्यासाठी बहुसंख्येने कुस्ती मैदानाला हजेरी लावावी आणि आनंद लुटावा, असे आवाहन शिवसेना बेळगाव तालुका प्रमुख व कुस्ती संघटनेचे सेक्रेटरी सचिन गोरले यांनी केले आहे.
