मागील चार दिवसांपासून बेळगाव येथून बेपत्ता झालेल्या एका तरुणाचा मृतदेह नदीपात्रात आढळला आहे. त्यामुळे एकच खळबळ माजली असून हा घातपात तर नसेल ना असा संशय व्यक्त करण्यात येत आहे. तालुक्यातील शिरूर धरणाजवळ त्याचा मृतदेह आढळला त्यामुळे खळबळ माजली आहे. संबंधीत तरुण लग्नाच्या तीन दिवस आधी गायब झाला होता आणि लग्नादिवशी त्याचा मृतदेह सापडल्याने त्यांच्या कुटुंबीयांवर दुःखाचा डोंगर कोसळला आहे.
गुरुवारी दुपारी तीन वाजता तो बेपत्ता झाला होता शुक्रवारी त्याच्या कुटुंबियांनी माळ मारुती पोलीस स्थानकात तशी फिर्याद देखील दाखल केली होती त्या नंतर शिरूर डॅम शेजारी त्याची दुचाकी आढळली होती त्या नंतर सोमवारी सायंकाळी त्याचा मृतदेह आढळला.सोमवारी यमकनमर्डी पोलीस स्थानकात या घटनेची नोंद झाली आहे. तौसिफ इम्तियाज नाईक वय 28 राहणार अमननगर असे त्याचे नाव आहे. गुरुवार दिनांक 14 नोव्हेंबर रोजी बेळगाव येथून बेपत्ता झाला होता. त्यानंतर त्याचा शोध सुरू करण्यात आला होता.
त्याच्या कुटुंबियांनी सर्वत्र शोध घेऊन त्यानंतर माळ मारुती पोलीस स्थानकात फिर्याद दाखल केली होती. पोलीस त्याचा शोध घेत होते. फिर्याद दाखल केल्यानंतर दुसऱ्या दिवशी त्याचा मृतदेह शिरूर धरणातील नदीपात्रात आढळला आहे. तौसिफ हा किराणा दुकान चालवत होता.
अलीकडेच तौसिफचे लग्न ठरले होते, अशी माहिती पोलिसांकडून देण्यात आली होती. मात्र लग्नादिवशी त्याचा मृतदेह शिरूर धरणाजवळ त्याचा मृतदेह आढळून आला. उत्तरीय तपासणीनंतर तो मृतदेह नातेवाईकांच्या ताब्यात देण्यात आला आहे. पोलीस पुढील तपास करीत आहेत.
