महामेळाव्यासाठी समितीकडून कोणताही अर्ज नाही : पोलीस आयुक्त

बेळगाव लाईव्ह: कर्नाटक विधी मंडळाच्या हिवाळी अधिवेनादरम्यान महाराष्ट्र एकीकरण समितीच्या वतीने महा मेळाव्यासाठी कोणताही अर्ज दिलेला नसल्याचे स्पष्टीकरण पोलीस आयुक्त डॉ सिद्धरामाप्पा यांनी दिले.

पत्रकारांशी हिवाळी अधिवेशन दरम्यान कश्या पद्धतीने पोलीस बंदोबस्त असणार यांची माहिती देताना पत्रकारांनी विचारलेल्या प्रश्नाला ते उत्तर देत होते त्यावेळी त्यांनी हे वक्तव्य केले आहे.

महाराष्ट्र एकीकरण समितीचा अर्ज आल्यावर त्यावर निर्णय घेऊ. महाराष्ट्र एकीकरण समितीच्या वतीने काळा दिवस पाळणाऱ्या विरोधात आम्ही मार्केट पोलिसात गुन्हा दाखल केला आहे त्यामुळे महा मेळाव्या बाबतीत शंका घेऊ नका असेही पोलीस आयुक्तांनी सांगितले आहे.

बेळगावातील हिवाळी अधिवेशनासाठी 5 हजार पोलिसांची नियुक्ती करण्यात आली असून कडेकोट बंदोबस्त असणार असल्याचे त्यांनी सांगितले.

55 एस पी 42 डी एस पी 100 पोलीस निरीक्षक 250 पी एस आय सह रहदारी आणि के एस आर पी तीन हजार पोलिसांची नियुक्ती केली जाणार आहे या शिवाय सुवर्ण सौध मध्ये 2 हजार आणि मुक्ती मठात 500 पोलीस असतील तर कंग्राळी पोलीस ट्रेनिंग सेंटर मध्ये 300 आणि सांब्रा विमान तळ आणि विरभद्र मंदिरात 300 पोलिसांची व्यवस्था करण्यात येणार असल्याचे त्यांनी नमूद केले.

बेळगावात राज्यातून येणाऱ्या पोलिसांना शुद्ध पिण्याचे पाणी अशी जेवणाची उत्तम सोय केली असल्याचेही त्यांनी सांगितले.