बेळगाव लाईव्ह : बेळगावातील नाट्य रसिक नाट्य वितरक अनंत जांगळे हे सध्या आपल्या चिरंजीवाकडे अमेरिकेत आहेत त्या अमेरिका भेटीत त्यांनी प्रशांत दामले यांच्या नाटकाला हजेरी लावली याशिवाय बेळगावातील नाटकं परंपरे बद्दल चर्चा देखील केली आहे . जेष्ठ मराठी कलावंतां सोबत सात समुद्रापार बेळगावच्या नाट्य परंपरे विषयी रंगलेल्या चर्चे विषयीची माहिती जांगळे यांनी बेळगाव लाईव्ह शी बोलताना दिली आहे .
– सुप्रसिद्ध कलावंत प्रशांत दामले नाट्य, मराठी चित्रपट सृष्टीतील एक प्रतिभावंत व्यक्तिमत्व.त्यांनी स्वतःच्या अभिनय शैलीने समस्त रसिकांवर आपली आगळी छाप सोडली आहे.त्यामुळे त्यांच्या प्रत्येक नाटकाला नाट्य रसिकांचा नेहमीच उदंड प्रतिसाद लाभलेला दिसून येतो. दोन प्रशांत दामले यांचे नाटक म्हणजे हाउसफुलचा बोर्ड हे समीकरणच बनलेले पाहायला मिळते. अलीकडेच प्रशांत दामले यांच्या एका लग्नाची दुसरी गोष्ट,या नाटकाचा अमेरिका दौरा यशस्वीपणे पार पडला.
या दौऱ्यात अमेरिकेतील विविध शहरात आयोजित करण्यात आलेल्या एका लग्नाची दुसरी गोष्ट या नाटकाच्या प्रयोगाला अमेरिकेतील मराठी आणि अन्य भाषिक नाट्य रसिकांनी उत्स्फूर्त प्रतिसाद दिला.अमेरिकेत नाट्यप्रयोगाला मिळालेला उत्स्फूर्त प्रतिसाद पाहून प्रशांत दामले यांच्यासह सर्वच नाट्यकलाकार भारावून गेले.
यातच अमेरिकेतील सेंट लुईस येथे आयोजित करण्यात आलेल्या नाट्यप्रयोगादरम्यान बेळगावचे ज्येष्ठ नाट्यवितरक अनंत जांगळे हे सुद्धा सध्या अमेरिकेच्या दौऱ्यावर आहेत. या दौऱ्या दरम्यान त्यांनी सेंट लुईस येथील एका लग्नाची दुसरी गोष्ट नाट्यप्रयोगाला आपली पत्नी तसेच अमेरिकेत स्थायिक असलेली मुले आणि त्यांच्या कुटुंबांसमवेत आवर्जून उपस्थिती दर्शविली.
नाट्यप्रयोगांनंतर अनंत जांगळे व त्यांच्या कुटुंबीयांनी प्रशांत दामले व नाटकातील कलाकारांची भेट घेतली. यावेळी प्रशांत दामले यांनी अनंत जांगळे यांच्यासोबत बेळगावातील नाटकांच्या आठवणींना उजाळा दिला. बेळगावातील नाट्य रसिक दर्दी आहेत.बेळगावच्या रसिकांना नाटकांची चांगली जाण आहे. आतापर्यंत बेळगावात आपण केलेल्या असंख्य नाटकांना तेथील रसिकांनी उस्फूर्त प्रतिसाद दिला. असे सांगताना अनेक आठवणींना त्यांनी उजाळा वेगळा दिला.
सेंट लुइस मराठी मंडळाने ” एका लग्नाची पुढची गोष्ट ” ह्या मराठी नाटकाचं प्रयोग आयोजित केला होता. नाटकाला सर्व प्रेक्षकांनी भरभरून प्रतिसाद दिला.कार्यक्रम अतिशय उत्तम पार पडला.
