कर्नाटक राज्यात होणाऱ्या आगामी विधानसभा निवडणुकीच्या पार्श्वभूमीवर रायबाग विधानसभा मतदारसंघातील मतदारांना वाटप करण्यासाठी घेऊन जाणाऱ्या सुमारे 16 लाख रुपये किमतीच्या साड्या जप्त करण्यात आल्याची घटना महाराष्ट्र – कर्नाटक सीमेवर घडली आहे.
याबद्दल अधीक माहिती अशी की चिकोडी तालुक्यातील सदलगा – दत्तवाड चेकपोस्टवर महाराष्ट्रतुन कर्नाटकात प्रवेश करणाऱ्या ट्रकला चिकोडी सदलगा विधानसभा मतदारसंघात निवडणूक कर्तव्य बजावत असलेले मनोहर पत्तार व इतर कर्मचारी वाहन अडवून चौकशी केली असता चालक समाधानकारक उत्तर न दिल्याने संशय आल्याने चौकशी केली.
सदर साडीची वाहतूक कोणत्याही प्रकारची कागदपत्रे न बाळगता ट्रकमधून वाहतूक केली जात असल्याचे निदर्शनास आले. गाडीत प्रत्येकी 350 रुपये किंमतीच्या पाच हजार साड्या असे एकूण 16 लाख रुपये किमतीचा मुद्देमाल असल्याचे आढळून आला. याविषयी चालकाकडे चौकशी केले असता रायबाग येथे निवडणूकिसाठी नेत असल्याचे उत्तर पोलिसांना दिले.
यामुळे पोलिसांनी व निवडणूक कर्मचाऱ्यांनी वाहन चालक कोल्हापूर जिल्ह्यातील करवीर तालुक्यातील उचगाव हुंकार कॉलनीतील रहिवासी खदीर दावर अली शेख ( वय 60) व वसंत कांबळे ( वय 50 ) रा ब्याकूड ता रायबाग या दोघांना ताब्यात घेतले आहे.
वाहतूक करण्यात येणारी अशोक लयलँड मिनी ट्रक देखील ताब्यात घेण्यात आली आहे.
तसेच आरोपीची नवे असून पोलीस चौकशी करीत आहेत.सदर कारवाई 22 मार्च रोजी पहाटे ही करण्यात आली आहे. सदर कारवाईत अमृत गुरव, गजानन लोकरे व एम एम पडतरे आदी पोलीस कर्मचारी सहभागी होते.
पिरनवाडी चेकपोस्ट वर २.८९ लाखांची रोकड जप्त
बेळगाव, येथील पिरनवाडी चेकपोस्टवर भरारी पथकाच्या पथकाने बुधवारी 2.89 लाख रुपयांचा मुद्देमाल जप्त केला. चेकपोस्टवरून जाणाऱ्या इंडिका वाहनाला पोलिस आणि एफएसटीने अडवले. पथकातील अधिकाऱ्यांच्या तपासणीदरम्यान रोख रक्कम सापडली. ही रोकड तिजोरीत जमा होणार असल्याचे अधिकाऱ्यांनी सांगितले.
