बेळगाव लाईव्ह: रात्रीच्या अंधारात वेगात असलेल्या दुचाकीचे नियंत्रण सुटल्याने रस्त्याशेजारील सदर गाडी खाजगी ले आऊट गटारीत पडून एका इसमाचा मृत्यू झाल्याची घटना सोमवारी सकाळी उघडकीस आली आहे.
श्याम नागाप्पा केदार वय 47 रा. वेंकटेश नगर मुतगा असे या घटनेत मयत झालेल्या इसमाचे नाव आहे.या घटने बाबत समजलेली हकीकत अशी की शाम हे रविवारी रात्री बसरीकट्टी मुतगा रस्त्यावरून बसरीकट्टीकडे दुचाकीवरून जात होते.
वेगाने असलेल्या दुचाकीचे अंधारात नियंत्रण चुकल्याने जोरात दुचाकी रस्त्याशेजारील असलेल्या लेआउटच्या गटारीत पडली त्यामुळे शाम यांच्या डोक्याला गंभीर दुखापत झाली.
त्यात त्यांचा मृत्यु झाला आहे.रात्री अकराच्या सुमारास हा अपघात घडला मात्र त्या रस्त्यावर कुणीही नसल्याने घटनासोमवारी सकाळी उघडकीस आली आहे.
घटनास्थळी मारीहाळ पोलिसानी भेट देऊन पंचनामा केला आहे. मयत शाम यांच्या पश्चात पत्नी एक मुलगा एक मुलगी असा परिवार आहे.
