Friday, May 24, 2024

/

वंटमुरी घटना काकती पोलीस निरीक्षक निलंबित

 belgaum

बेळगाव लाईव्ह: न्यू वंटमुरी येथे महिलेवर झालेल्या अन्यायाच्या घटनेला जबाबदार धरून कर्तव्यात कसूर केल्याचा ठपका ठेवत काकती पोलीस निरीक्षक विजय शिन्नुर यांना निलंबित करण्यात आले आहे.

पोलीस आयुक्त डॉ सिद्धरामाप्पा यांनी निलंबनाचा आदेश बजावला आहे.या प्रकरणी पोलिसांनी चोख भूमिका बजावली असती तर हे प्रकरण इतके मोठे झाले नसते अशी फटकार देखील कोर्टाने पोलिसांना लगावली होती त्यामुळे वरिष्ठ पोलीस अधिकाऱ्यांनी याची दखल घेत पोलीस निरीक्षकांना निलंबित केले आहे.

आदिवासी महिलेची विवस्त्र धिंड काढण्याच्या अतिशय निंद्य घटनेचा भाजप राष्ट्रीय अध्यक्ष जगत प्रकाश नड्डा यांनी शुक्रवारी तीव्र निषेध केला होता भाजपने या घटने बाबत बेळगावात घटनास्थळी भेट देऊन तथ्य शोधण्यासाठी 5 जणांची तथ्य शोध समिती स्थापन केली आहे. या समितीमध्ये खासदार श्रीमती अपराजिता सारंगी, खासदार श्रीमती सुनिता दुग्गल, खासदार श्रीमती लॉकेट चॅटर्जी, खासदार श्रीमती रंजिता कोळी आणि राष्ट्रीय सचिव डॉ. श्रीमती आशा लाक्रा यांचा समावेश आहे. कर्नाटकातील भाजप खासदारांनी या घटने विरोधात दिल्लीत महात्मा गांधीजी यांच्या पुतळ्या समोर आंदोलन देखील केले होते.Vantmuri

 belgaum

दरम्यान यमकनमर्डी आमदार मंत्री सतीश जारकीहोळी यांनी पीडित महिलेच्या घरी भेट देऊन कुटुंबीयांना धीर दिला. गावात कधी होऊ नये अशी घटना घडली असून आरोपींना अटक करण्यात आली आहे त्यांच्यावर कडक कारवाई केली जाईल असे आश्वासन सतीश जारकीहोळी यांनी दिले.

पिडीत महिलेला नुकसान भरपाई म्हणून मुख्यमंत्र्यांनी पाच लाख रुपये आणि कायदा सेवा प्राधिकरण पन्नास हजार रुपये आर्थिक मदत दिल्याचे देखील त्यांनी सांगितले. यावेळी युवा नेते राहुल जारकीहोळी देखील उपस्थित होते.

 

 

 

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.