Thursday, May 23, 2024

/

बंद’ दरवाजाआड पार पडली बुडाची सर्वसाधारण बैठक

 belgaum

नवीन वसाहत योजना राबविण्यासाठी 50 -50 या फॉर्म्युलानुसार किंवा वन टाइम सेटलमेंट या तत्त्वानुसार जमिनी घेण्याचा आणि याला विरोध करणाऱ्या शेतकऱ्यांना अवॉर्ड मंजूर करून भूसंपादन प्रक्रिया राबविण्याचा त्याचप्रमाणे जमिनीच्या विनियोगात बदल करण्याच्या प्रस्तावांना आणि सिंगल लेआउटच्या विषयांना बेळगाव शहर विकास प्राधिकरणाच्या (बुडा) सर्वसाधारण बैठकीत मंजुरी देण्यात आली आहे.

बेळगाव शहर विकास प्राधिकरणाची अर्थात बुडाची सर्वसाधारण बैठक काल मंगळवारी अध्यक्ष संजय बेळगावकर यांच्या अध्यक्षतेखाली पार पडली. बुडा कार्यालयाच्या सभागृहात बंद दरवाजाआड पार पडलेल्या या बैठकीस पत्रकारांना प्रवेश देणे टाळण्यात आले.

त्याचप्रमाणे फोटो काढण्यासही मज्जाव करण्यात. सदर बैठकीच्या विषय पत्रिकेवर तब्बल 44 विषय घेण्यात आले होते. बैठकीच्या इतिवृत्तांना मंजुरी देणे, विविध ठिकाणी असलेल्या भूखंडाचे आणि जागांचे परिवर्तन, रहिवासी व्यावसायिक विनियोगात करण्याच्या प्रस्तावाला मंजुरी देणे, कांही ठिकाणी सिंगल लेआउट करण्याचे प्रस्तावही बैठकीच्या विषय पत्रिकेवर होते. या प्रस्तावांना बैठकीत मंजुरी देण्यात आली.

 belgaum

याखेरीज ‘क’ आणि ‘ड’ श्रेणीतील कामगार हंगामी तत्त्वावर घेण्याच्या प्रस्तावाला मंजुरी देण्यात आली. 50 -50 या फॉर्मुल्यानुसार किंवा वन टाइम सेटेमेंट तत्वानुसार जमिनी घेतल्या जातील, जर याकरिता शेतकऱ्यांनी संमती न दिल्यास अवॉर्ड मंजूर करून भूसंपादन प्रक्रिया पूर्ण करण्याबाबत बैठकीत चर्चा करण्यात आली.

त्यानुसार हिंडलगा, अनगोळ, झाडशहापूर आदी ठिकाणच्या रखडलेल्या वसाहत योजना मार्गी लावण्यासाठी भूसंपादन प्रक्रिया राबविण्याचा निर्णय बैठकीत घेण्यात आला. बैठकीस लोकप्रतिनिधींसह बुडा, महापालिका, सार्वजनिक बांधकाम खाते, पोलीस प्रशासन तसेच संबंधित अन्य खात्यांचे अधिकारी उपस्थित होते.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.