Friday, May 24, 2024

/

श्री मंगाई ट्रॉफी -2022; शौर्य स्पोर्ट्स अजिंक्य!

 belgaum

वडगाव येथील श्री मंगाईदेवी परिसरात आयोजित केल्या जाणाऱ्या श्री मंगाई ट्रॉफी -2022 हाफ पीच टेनिसबॉल क्रिकेट स्पर्धेचे अजिंक्यपद कपलेश्वर रोड शौर्य स्पोर्ट्स संघाने पटकाविली आहे. पिरनवाडीच्या सनसेट वॉरियर्स या संघाला उपविजेतेपदावर समाधान मानावे लागले.

गेल्या 15 वर्षापासून वडगाव मंगाई देवी परिसरामध्ये श्री मंगाई ट्रॉफी या नावाने हाफ पीच क्रिकेट स्पर्धा भरविली जात आहे. यावर्षीदेखील नुकतीच ही स्पर्धा उत्साहात पार पडली. यावेळी प्रमुख पाहुणे म्हणून समाजसेवक अभिषेक कलघटगी, एपीएमसी सदस्य महेश जुवेकर, समाजसेविका माधुरी जाधव, नगरसेविका दीपाली टोपगी, जयश्री कलघटगी, उमेश कुडाळकर, मारुती कुंडेकर, अमित कित्तूर, प्रसाद घाडी, सुनील सुतार, अनिकेत भोसले, सतीश धामणेकर, सिद्धार्थ धोंगडी, विश्वनाथ पाटील, हनुमंत पाटील, शंकर सोनटक्के, सुरज पाटील, शशी रजपुत, तुषार किल्लेदार आणि प्रथमेश धामणेकर हे व्यासपीठावर उपस्थित होते.

प्रारंभी अभिषेक कलघटगी व महेश जुवेकर यांच्या हस्ते शिवाजी महाराज प्रतिमेचे पुष्पहार घालून पूजन करण्यात आले. त्यानंतर समाजसेविका माधुरी जाधव यांच्या हस्ते दीप प्रज्वलन झाले. स्पर्धेचा अंतिम सामना पाहण्यासाठी प्रेक्षकांची मैदानावर एकच गर्दी केली होती.Cricket

 belgaum

कपलेश्वर रोड शौर्य स्पोर्ट्स व सनसेट वॉरियर्स पिरनवाडी यांच्यात अंतिम सामना सुरू होण्यापूर्वी प्रमुख पाहुण्यांची खेळाडुंशी ओळख करून देण्यात आली. यानंतर नाणेफेक झाली. यावेळी अभिषेक कलघटगी यांनी समयोचित विचार व्यक्त केले. प्रमुख पाहुण्यांच्या हस्ते विजेता व उपविजेता संघाला रोख रक्कम व ट्रॉफी देऊन सन्मानित करण्यात आले.

तसेच मॅन ऑफ द सिरीज किताब पटकावणाऱ्या सद्दाम कट्टी यांचा सत्कार करण्यात आला. अंतिम सामन्यातील मॅन ऑफ द मॅच अजहर अश्रीफ, बेस्ट बॉलर म्हणून सोमनाथ, इम्पॅक्ट प्लेयर ऑफ द टूर्नामेंट म्हणून यश चव्हाण यांना बक्षिसे देण्यात आली. यावेळी दोन्ही संघाच्या कर्णधारांनी हार व जीत याबद्दल आपले विचार मांडले. सदर स्पर्धा यशस्वीरित्या पार पाडण्यासाठी श्री मंगाई स्पोर्ट्सच्या पदाधिकारी व सदस्यांनी विशेष परिश्रम घेतले.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.