गृहमंत्री अरगा ज्ञानेंद्र म्हणाले की, राजकारण्यांनी कर्नाटक धर्म स्वातंत्र्याचा अधिकार विधेयक, २०२१, ज्याला सामान्यतः धर्मांतर विरोधी विधेयक म्हणून संबोधले जाते, त्याबद्दल खुल्या मनाने विचार करणे आवश्यक आहे.
विधानसभेत हे विधेयक मंजूर झाले आणि आता खुल्या मनाने विचार करण्याची गरज आहे. आपल्या देशाची धार्मिक आणि सांस्कृतिक चौकट आपल्याला सर्व धर्मांवर प्रेम करायला शिकवते. मात्र, अशा ‘प्रेमाच्या वातावरणावर’ धर्मांतराच्या रूपात हल्ला होत आहे.
सुसंवाद राखण्यासाठी हे तपासणे आवश्यक आहे. 1947 मध्ये धर्मनिरपेक्षतेच्या नव्हे तर धर्माच्या आधारावर राष्ट्राची फाळणी झाली. जर राजकारण्यांनी विधेयकाचा विचार केला नाही तर भविष्यात प्रत्येक गावाची विभागणी होईल,”
या विधेयकात ठराविक धर्मांना टार्गेट करण्यात आल्याचा समज पसरविला जात आहे. हे चुकीचे आहे. प्रत्येकाला आपल्या धर्माचा अभिमान राखून ठेवता यावा ही गरज आहे आणि त्यासाठी मुख्यत्वे करून आमचे सरकार लक्ष देत आहे. अशी माहिती त्यांनी दिली.
