Friday, March 29, 2024

/

लोकसभा पोटनिवडणूक : आज 6 जणांचे उमेदवारी अर्ज दाखल

 belgaum

बेळगाव लोकसभा पोटनिवडणुकीसाठी आज सोमवारी दुपारी 3 वाजेपर्यंत यमकनमर्डीचे आमदार सतीश जारकीहोळी यांच्यासह एकूण 6 जणांनी उमेदवारी अर्ज दाखल केले आहेत.

बेळगाव लोकसभा पोट निवडणुकीसाठी दोन दिवसापूर्वी उमेदवारी अर्ज दाखल करण्याच्या प्रक्रियेला प्रारंभ झाल्यानंतर आज सोमवारी दुपारी 3 वाजेपर्यंत 6 उमेदवारांनी एकूण 9 उमेदवारी अर्ज दाखल केले आहेत. यामध्ये यमकनमर्डी मतदारसंघाचे आमदार आणि केपीसीसीचे कार्याध्यक्ष सतीश जारकीहोळी आणि महाराष्ट्र एकीकरण युवा समितीचे अध्यक्ष शुभम शेळके यांचा समावेश आहे.

आमदार सतीश जारकीहोळी यांनी भारतीय राष्ट्रीय काँग्रेस पक्षातर्फे आपले एकूण चार उमेदवारी अर्ज आज दाखल केले आहेत. उमेदवारी अर्ज दाखल करताना त्यांच्यासोबत माजी मुख्यमंत्री सिद्धरामय्या, केपीसीसी अध्यक्ष डी. के. शिवकुमार आदी मान्यवर उपस्थित होते. म. ए. युवा समितीचे अध्यक्ष शुभम शेळके यांनी अपक्ष म्हणून उमेदवारी अर्ज दाखल केला आहे.Nomination

 belgaum

जारकीहोळी आणि शेळके यांच्या व्यतिरिक्त बेळगावचे नागाप्पा कळसन्नावर (अपक्ष), रायबागचे विवेकानंद बाबू घंटी (कर्नाटक राष्ट्र समिती), गोकाकचे अशोक पांडाप्पा हंजी (सर्व जनता पार्टी) आणि हणमंत शिवाप्पा नागनुर (अपक्ष) यांनी आपला उमेदवारी अर्ज दाखल केला आहे.

या पद्धतीने आज एकूण सहा उमेदवारांनी 9 उमेदवारी अर्ज दाखल केले आहेत. जिल्हाधिकारी कार्यालय येथे कडक पोलीस बंदोबस्तात कोरोना संदर्भातील सर्व नियमांचे काटेकोर पालन करून उमेदवारी अर्ज भरून घेण्याची प्रक्रिया पार पाडली जात आहे. दरम्यान उद्या मंगळवार दि. 30 मार्च 2021 हा उमेदवारी अर्ज भरण्याचा शेवटचा दिवस आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.