Friday, March 29, 2024

/

बेळगावातील तळीरामांचा पराक्रम ! रिचवली एवढी दारू

 belgaum

आरारारा….यंदा तळीरामांनी रिचवली तब्बल 1 लाख 87 हजार लिटर दारू, तसेच उडविला 1 हजार किलो मटणाचा फन्ना. थर्टीफर्स्टच्या दिवशी बेळगाव जिल्ह्यातील झोकांड्या खाणाऱ्या तळीरामांच्या या पराक्रमामुळे सरकारी तिजोरीमध्ये मात्र अबकारी कराची आणि मटण दुकानदारांच्या गल्ल्यात पैशाची मोठी भर पडली आहे.

अबकारी खात्याच्या सुत्रांकडून मिळालेल्या माहितीनुसार, बेळगाव जिल्ह्यात 31 डिसेंबर 2019 रोजी दिवसभरात 15 हजार 430 बॉक्स व्हिस्की व रम आणि 6 हजार 919 बॉक्स बियर रिकामी झाली. एकंदर दरवर्षी दारू विक्रीचा उच्चांक वाढत चालला असून गतवर्षीप्रमाणे यंदाही अबकारी खात्याने निर्धारित उद्दिष्ट जवळपास 100 टक्के पूर्ण केले आहे. थर्टीफर्स्ट दिवशी जिल्ह्यातील तळीरामांनी तब्बल 1 लाख 33 हजार 315 लिटर दारू रिचवली, त्याचप्रमाणे 53 हजार 965 लिटर इतक्या बियरच्या बाटल्या रिकाम्या केल्या आहेत. थोडक्यात 31 डिसेंबर या एका दिवसात जिल्ह्यात एकूण 1 लाख 87 हजार 283 लिटर इतकी रम- व्हिस्की आणि बीअरची विक्री झाली आहे. यामुळे तळीरामांनी जरी झोकांड्या दिल्या असल्या तरी जिल्ह्यातील बार चालक आणि दारू दुकानदारांची मात्र चांदी झाली आहे.

Daru arrack
Daru arrack

बेळगाव जिल्ह्याच्या अबकारी खात्याला डिसेंबर महिन्यासाठी 2 लाख 97 हजार 239 बॉक्स दारू कळविण्याचे उद्दिष्ट देण्यात आले होते. त्यानुसार या खात्याने 1 ते 31 डिसेंबर 2019 या कालावधीत 2 लाख 96 हजार 488 बॉक्स दारू खपवून आपले उद्दिष्ट जवळपास गाठले आहे.

 belgaum

थर्टी फर्स्टला दारू बरोबर मेजवानी ही आलीच. बेळगाव जिल्ह्यात थर्टीफर्स्ट अर्थात 31 डिसेंबर रोजी सर्वत्र मेजवान्यांना ऊत आला होता. या दिवशी दारू प्रमाणेच मटणाचाही विक्रमी खप झाला. मदहोश झालेल्या तळीरामांनी नूतन वर्षाचे स्वागत करताना दारू रिचवता रिचवता तब्बल 1 हजार किलो मटणाचा फन्ना उडविला. यामुळे मटन दुकानदार, बुचरी, पोल्ट्री चालक आदींचा धंदा तेजीत होता.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.