Monday, July 15, 2024

/

बकरी ईद संदर्भात आमदारांच्या सूचना

 belgaum

बेळगाव लाईव्ह :बेळगाव उत्तर मतदारसंघाचे आमदार असिफ (राजू) सेठ यांनी महापालिका अधिकारी आणि पोलिस अधिकाऱ्यांसोबत महत्त्वपूर्ण बैठक घेऊन ईद-उल-अधा (बकरी-ईद) सण सुरक्षित आणि शिस्तबद्धपणे साजरा होईल याची जबाबदारी यशस्वीरित्या पार पाडण्याचे आवाहन केले.

आगामी ईद-उल-अधा सणाच्या पार्श्वभूमीवर काल शुक्रवारी दुपारी आयोजित या बैठकीत वाहतूक व्यवस्था प्रभावीपणे हाताळणे आणि मजबूत सुरक्षा उपायांची अंमलबजावणी करणे अशी सर्वसमावेशक योजना तयार करण्यावर लक्ष केंद्रित करण्यात आले.

बैठकीत बोलताना संभाव्य आव्हानांना तोंड देण्यासाठी आणि धार्मिक सुट्टीच्या वेळी रहिवाशांसाठी सुरळीत आणि सुरक्षित वातावरण सुनिश्चित करण्यासाठी सक्रिय उपायांच्या महत्त्वावर आमदार सेठ यांनी जोर दिला. बैठकीतील महत्त्वाच्या चर्चेमध्ये गर्दी हाताळण्यासाठी अतिरिक्त कर्मचाऱ्यांची नेमणूक, बॅरिकेड्सची धोरणात्मक मांडणी आणि वाहतूक वळवण्यातील समन्वय या बाबींचा समावेश होता.

याव्यतिरिक्त सार्वजनिक सुरक्षा अबाधित राखण्यासाठी पाळत ठेवणे आणि देखरेख प्रणाली वाढवण्याच्या उपायांवरही चर्चा करण्यात आली. ईद-उल-अधा अर्थात बकरी ईद उत्साह व शांततेत पार पाडण्यासाठी महापालिका अधिकारी आणि पोलिस अधिकारी यांचे सहकार्य व समन्वय आवश्यक असल्याचे बैठकीप्रसंगी अधोरेखित करण्यात आले. यावेळी दोन्ही विभागांनी वाहतुकीचा ओघ अखंड सुलभ करण्यासाठी आणि समुदायाचे कल्याण सुनिश्चित करण्यासाठी एकत्रितपणे काम करण्याची वचनबद्धता व्यक्त केली.Bakari eid

आमदार असिफ (राजू) सेठ यांनी विशेषत: धार्मिक उत्सवादरम्यान मतदार संघाच्या कल्याण आणि सोयींना प्राधान्य देणाऱ्या उपक्रमांमध्ये सक्रियपणे सहभागी होण्याच्या आणि लोकांची सेवा सेवा करण्याच्या स्वतःच्या समर्पणाची यावेळी पुष्टी केली. सौहार्दपूर्ण वातावरण निर्माण करण्याद्वारे ईद-उल-अधा सण शांततेत साजरा करण्यासाठी सामूहिक प्रयत्नांच्या महत्त्वावर त्यांनी भर दिला.

ईद-उल-अधाच्या संपूर्ण कालावधीसाठी आखलेली योजना प्रभावीपणे अंमलात आणण्याचा आणि दक्षता बाळगण्याचा एकमताने निर्धार करून बैठकीची सांगता झाली. वाहतूक व्यवस्थापन आणि सुरक्षा व्यवस्थेला सहकार्य करून बेळगाव उत्तर मतदारसंघातील सर्व रहिवाशांसाठी एक आनंददायी आणि त्रासमुक्त उत्सव साजरा करावा असे आवाहन अधिकाऱ्यांनी केले.

बैठकीस जिल्हाधिकारी नितेश पाटील, पोलीस आयुक्त याडा मार्टिन, सहाय्यक पोलीस आयुक्त रोहन जगदीश, महानगरपालिका आयुक्त अशोक दुडगुंटी व इतर अधिकारी उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.