Friday, May 24, 2024

/

पुढील रणनीती आखण्यासाठी समितीची बैठक

 belgaum

बेळगाव लाईव्ह : महाराष्ट्र एकीकरण समितीचे अधिकृत उमेदवार महादेव पाटील यांनी शुक्रवारी आपला उमेदवारी अर्ज सादर केला असून त्यांचा अर्ज वैध ठरला आहे अशी माहिती ऍड. अमर येळ्ळूरकर यांनी दिली.

शनिवारी महादेव पाटील यांच्या संपर्क कार्यालयात निवडणुकीची पुढील रणनीती ठरविण्यासंदर्भात आयोजिण्यात आलेल्या बैठकीत ते बोलत होते. अर्ज वैध ठरला असून आजपासून खऱ्या अर्थाने युद्धाला सुरुवात झाली आहे.

मराठी भाषिकांच्या हक्कासाठी लढविल्या जाणाऱ्या या निवडणुकीचे रणशिंग फुंकण्याची वेळ आली असून यासाठी सीमाभागातील प्रत्येक मराठी भाषिकांच्या सहकार्याची गरज आहे, असे अमर येळ्ळूरकर म्हणाले.

 belgaum

लोकसभा निवडणुकीत मराठी भाषिकांची ताकद दाखविण्यासाठी महादेव पाटील यांच्या पाठीशी मराठी भाषिकांनी खंबीरपणे उभं राहण्याची गरज असून उद्यापासून बेळगाव लोकसभा मतदार संघातील प्रत्येक मराठी भाषिकांचे घर गाठून मराठी भाषा, संस्कृती आणि मराठी भाषिकांवर होणाऱ्या अन्यायाची जाणीव करून देण्यात येणार आहे. हि निवडणूक मराठी भाषिकांनी एकत्रित लढायची असून सीमाभागात पिंजून काढण्यासाठी ५० जणांची कमिटी नेमण्याचा निर्णय या बैठकीत घेण्यात आला. लवकरच महादेव पाटील यांच्या प्रचार कार्यालयाचे उद्घाटन होणार असून २३ तारखेपासून प्रचाराचा धुराळा उडवणार असल्याचे अमर येळ्ळूरकर यांनी सांगितले.

हि निवडणूक अटीतटीची असून मराठी भाषिकांच्या स्वाभिमानाची आणि सन्मानाची आहे. यासाठी मराठी भाषिकांनी आपले प्रतीक असणाऱ्या समितीसाठी आगामी निवडणुकीत मतदान करावे, महादेव पाटील यांना ४ लाखांहून अधिक मतांचा टप्पा गाठण्यासाठी मदत करावी, तसेच संपर्क कार्यालयात आपल्या नावाची नोंद करावी असे आवाहन त्यांनी केले.

यावेळी मनोहर किणेकर ,रामकांत कोंडुस्कर, गुणवंत पाटील, ऍड. अमर येळ्ळूरकर प्रकाश मरगाळे, रणजित चव्हाण पाटील, संजय मोरे, दीपक पावशे, विकास कलघटगी, अमित देसाई, डी. बी. पाटील, मदन बामणे,अंकुश केसरकर, श्रीकांत कदम, आर. आय. पाटील, सागर पाटील, नेताजी पाटील, संजय पाटील आदींसह समिती नेते, मान्यवर आणि कार्यकर्ते उपस्थित होते.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.