Tuesday, June 25, 2024

/

थोरपुरुषांचा अवमान थांबवा कोंडूस्करांचा इशारा

 belgaum

बेळगाव लाईव्ह: जनतेचे आराध्य दैवत छत्रपती शिवाजी महाराज व घटनेचे शिल्पकार डॉ बाबासाहेब आंबेडकर यांचे बेळगाव रेल्वे स्थानकावरील तैलचित्र कायमस्वरूपी बसवावे अशी मागणी श्रीराम सेना हिंदुस्थानचे अध्यक्ष महाराष्ट्र एकीकरण समितीचे नेते रमाकांत कोंडूस्कर यांनी केली आहे.

मागील वर्षी तब्बल 180 कोटी खर्चून बेळगाव रेल्वे स्थानकाचे नूतनीकरण करण्यात आले उद्घाटना वेळी छ्त्रपती शिवाजी महाराज आणि डॉ बाबासाहेब आंबेडकर यांच्या प्रतिमा गोडाऊन मध्ये ठेवण्यात आल्या होत्या इतर महापुरुषांची तैलचित्र स्थानका बाहेर बसवण्यात आली होती.

या छ्त्रपती शिवरायांच्या अवमान विरोधात आणि बेळगावात योग्य स्थान मिळवून देण्यासाठी कोंडूस्कर यांनी किल्ले राजहंस गड ते रेल्वे स्थानका पर्यंत शिव सन्मान पदयात्रा काढली होती.रेल्वे स्थानक उद्घाटनाच्या पूर्व संध्येला शिव सन्मान पद यात्रेच्या सांगता वेळी पंतप्रधान मोदी यांच्या दौऱ्याचा एक दिवस अगोदर आंदोलन करत डॉ बाबासाहेब आंबेडकर आणि छत्रपती शिवरायांच्या प्रतिमा गोडाऊन मधील काढून रेल्वे स्थानकामध्ये आंदोलन करत स्थापित केल्या होत्या.Konduskar

 belgaum

त्यावेळी पासून त्या प्रतिमा तश्याच आहेत. त्यावेळी आंदोलन मागे घेण्यासाठी रेल्वे अधिकाऱ्यांनी रेल्वे प्रशासनाने त्या दोन्ही थोर पुरुषांच्या प्रतिमा कायमस्वरूपी प्रस्थापित करू असे आश्वासन दिले होते त्यानंतरच आंदोलन मागे घेण्यात आले होते मात्र एक वर्ष उलटून देखील परिस्थिती जैसे थे आहे.

आगामी 19 फेब्रुवारी रोजी शिवजयंती पर्यंत प्रशासनाने सदर महापुरुषांच्या प्रतिमा कायमस्वरूपी स्थापित कराव्यात अन्यथा आंदोलन करण्यात येईल असा इशारा वजा अल्टिमेटन देखील कोंडस्कर यांनी यावेळी दिला आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.