Tuesday, May 28, 2024

/

नोव्हेंबर महिन्यात इतक्या प्रवाशांनी केला बेळगाव विमान तळावरून प्रवास

 belgaum

बेळगाव लाईव्ह : अखेर बेळगाव विमानतळाला अच्छे दिन आले आहेत असं म्हणावं लागेल कारण नोव्हेंबर 2023 महिन्यात बेळगाव विमानतळावरून 531 फ्लाईट मधून 32 हजार प्रवाशांनी प्रवास केला आहे.

भारतीय विमानतळ प्राधिकरणाने (AAI) अलीकडेच बेळगाव विमानतळा बाबत मोठी आकडेवारी समोर आणली आहे.नोव्हेंबर 2023 मध्ये, बेळगाव विमानतळाने एकूण 32,059 प्रवाशांचे स्वागत केले. या विमानतळावर अधिकाधिक लोकांची गर्दी होत आहे त्यामुळे या विमानतळाने कर्नाटकातील तिसरे सर्वात व्यस्त विमानतळ हा मान प्राप्त केला आहे.

ऑक्टोबर 2023 या महिन्यात बेळगाव विमानतळाने एकूण 29,285 प्रवाशांचे स्वागत केले तर मागील महिन्याच्या (सप्टेंबर 2023 मध्ये) 20,265 च्या तुलनेत ती 9,020 ची प्रचंड वाढ आहे. नोव्हेंबरमधील वर्षभराच्या तुलनेत, बेळगाव विमानतळावरील वाहतुकीत 44.7% वाढ झाली आहे. या वाढीला बेळगाव दिल्ली विमान सेवा कारणीभूत असल्याचे समोर येत आहे.

 belgaum

बेळगावपासून 10 ठिकाणी नॉन स्टॉप उड्डाणे

बेळगाव विमान तळावरून नोव्हेंबरमध्ये 531 उड्डाणे चालवण्यात आल्याचेही आकडेवारीवरून स्पष्ट झाले असून 2-मेट्रिक टन माल हलविण्यात आला आहे त्यामुळे या विमानतळावरून केवळ माणसेच नाहीत, तर मालाचीही वाहतूक होत आहे.

नोव्हेंबर २०२२- ४२४ उड्डाणे चालवली होती बेळगाव विमानतळ दिल्ली, बेंगळुरू, मुंबई, हैदराबाद, अहमदाबाद, नागपूर, सुरत, जोधपूर, जयपूर आणि तिरुपतीला जोडते.

तर स्टार एअर स्टार बेळगाव पासून अहमदाबाद, जोधपूर, मुंबई, सुरत, तिरुपती, नागपूर, जयपूर आणि भुजसह प्रमुख भारतीय शहरांसाठी थेट उड्डाणे देते. इंडिगो बेळगाव ते नवी दिल्ली, बेंगळुरू (दोन उड्डाणे-तिसरे फ्लाइट 31 डिसेंबरपर्यंत चालत आहे) आणि हैदराबाद पर्यंत दररोज उड्डाणे चालवते.

 

 

 

 

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.