Tuesday, May 28, 2024

/

बिंदु नाद‌कलातीत अभिवाचनाचा भारदस्त अनुभव

 belgaum

बेळगाव लाईव्ह :सुप्रसिद्ध साहित्यिक महेश एलकुंचवार यांच्या ‘बिंदु नाद‌क‌लातीत’ या मूळ आत्मचिंतनावर आधारित अभिवाचनाचा भारावून टाकणारा प्रयोग वरेरकर नाट्य संघाच्या सभागृहात सादर झाला. पुण्याच्या ‘शब्दवेध’ या संस्थेतर्फे सादर करण्यात आलेल्या या अभिवाचनाचे संपादन, दिग्दर्शन सुप्रसिद्ध कलाकार चंद्रकांत काळे यांचे होते.

काळे यानी यातील महत्वाची भूमिकाही केली. त्याना हर्षद राजपाठक या तरुण कलाकाराची साथ लाभली. उत्कृष्ट तांत्रिक सहयोग साईराज पाटील यांचा होता.

एका साहित्यिकाचा स्वतःबद्दलचा परखड विचार मांडणारा आत्मशोध हा खा या लेखाचा आणि नाट्य प्रयोगाचा पाया आहे स्थान, ध्वनी आणि कलेचे सर्व विभ्रम याना ओलांडून जाणारा विचार अतिशय उत्कटपणे मांडण्यात सर्व कलाकार अत्यंत यशस्वी झाले. सादरीकरणानंतर असंख्य श्रोते-प्रेक्षक भारावून गेले.

 belgaum

लहान मैं बाबा, दादा, हा भाऊ, आजू‌बाजूचा निसर्ग, शेजारचे रुपचंद, त्यांची गाणारी छोटी मुलगी दिरा अशी अनेक पात्र चंद्रकांत काळे यानी प्रभावीपणे उभी केली. तर हर्षद राजपाठक यानी ल्युसिफर हे पात्र ताकदीने उभे केले. सुमारे सव्वातासाचा हा कार्यक्रम श्रोत्याना मंत्रमुग्ध करुन गेला.Varerkar

लोकमान्य ग्रंथालयाचे कार्याध्यक्ष जगदीश कुंटे यानी स्वागत व प्रास्ताविक केले – बेळगावचे सुप्रसिद्ध संवादिनी वादक वामन वागूकर यांच्या दुःखद निधनाबद्दल श्रद्धांजली वहाण्यात आली. धनश्री सोसायटीचे चेअरमन संजीव जोशी यानी कलाकारांचा परिचय करून दिला. मेधा मराठे, प्रा-सुभाष सुंठणकर आणि लेखक सुधीर जोगळेकर यांच्या हस्ते पुस्तक देऊन त्यांचे स्वागत करण्यात आले .

वरेरकर नाटय संघ, लोकमान्य ग्रंथालय वाङ्‌मय चर्चा मंडळ, मराठी भाषा प्रेमी मंडळ आणि विश्व मराठी परिषदेची बेळगाव शाखा यांच्या संयुक्त विद्यमाने हा कार्यक्रम आयोजित करण्यात आला.बुक लव्हर्स क्लबचे सचिव किशोर काकडे यानी आभार मानले तर जगदीश कुंटे यानी सूत्र संचालन केले.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.