belgaum

बेळगाव लाईव्ह :एखाद्याच्या निधनाच्या दुःखद क्षणी भावनांना आवर घालून पुढील आवश्यक गोष्टींची पूर्तता करणे आवश्यक असते. मात्र याबाबतीत दुर्दैवाने बेळगावच्या रहिवाशांना गैरसोयीचा सामना करावा लागत आहे.

याला कारणीभूत कोनवाळ गल्लीतील महापालिकेच्या विभागीय कार्यालय आवारात सध्या थांबून असलेल्या दोन नादुरुस्त शववाहिका आहेत, असे म्हंटल्यास वावगे ठरू नये.

कोनवाळ गल्लीतील महापालिकेच्या विभागीय कार्यालय आवारात थांबून असलेल्या शेवववाहिकांपैकी एक महिनाभरापासून बंद आहे, तर दुसरी शववाहिका आठवड्याभरापासून बंद पडली आहे. या दोन्ही सववाहिकांच्या क्लचप्लेटची समस्या झाली आहे.

संबंधित क्लचप्लेट बेळगावात मिळत नाहीत. कंत्राटदाराला क्लचप्लेट खरेदी करण्यास सांगण्यात आले आहे. क्लचप्लेट मिळाल्यावर लगेचच दुरुस्तीचे काम पूर्ण होईल व दोन्ही शववाहिका पुन्हा सुरू होतील असे वाहन विभागाचे म्हणणे आहे. मात्र क्लचप्लेट कधी मिळणार शववाहिका पुन्हा कधी सुरू होणार याची ठोस माहिती त्यांच्याकडे नाही.

बेळगाव महापालिकेकडे एकूण चार शववाहिका आहेत. त्यापैकी दोन शववाहिका बंद पडल्यामुळे सध्या दोन शववाहिकांवरच सेवा उपलब्ध करून दिली जात आहे. बेळगाव शहरात दररोज शववाहीकांसाठी होत असलेली मागणी पाहता पाच किंवा त्यापेक्षा जास्त शववाहिकांची गरज आहे. शिवाय शहरात वारंवार होत असलेली वाहतूक कोंडी पाहता लहान आकाराच्या शववाहिका उपलब्ध करून दिल्या जाव्यात असे पालिकेच्या वाहन विभागाचे म्हणणे आहे. मात्र सध्या महापालिकेकडे असलेल्या चारही शववाहिका मोठ्या आकाराच्या आहेत.

सध्या नादुरुस्त असलेल्या दोन्ही शववाहिका जुन्या असून त्यात वारंवार बिघाड होत असतो. नादुरुस्त शववाहीकांमुळे सध्या शहरवासीयांसाठी शेववाहीकांची सेवा अपुरी पडत आहे. त्याचप्रमाणे कार्यरत असलेल्या दोन शववाहीकांवर कामाचा ज्यादा भार पडत असल्यामुळे शेववाहीका चालकांमध्ये नाराजी व्यक्त होताना दिसत आहे.

त्यामुळे एकंदर नागरिकांची गैरसोय टाळण्यासाठी नव्या शववाहिकांची खरेदी करणे आवश्यक असल्याचे मत व्यक्त केले जात आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.