Tuesday, June 25, 2024

/

गणेश चतुर्थीची मंगळवारी 19 रोजीच सुट्टीसाठी शिफारस

 belgaum

बेळगाव लाईव्ह : गणेश चतुर्थी मंगळवार 19 सप्टेंबर बेळगाव जिल्ह्यात साजरी करण्यात येणार असताना मात्र राज्य शासनाने सोमवार 18 सप्टेंबर रोजी जाहीर केलेली गणेश चतुर्थीची सुट्टी 19 तारखेला करावी यासाठी बेळगावचे जिल्हाधिकारी नितेश पाटील यांनी राज्य सरकारला शिफारस पत्र दिले आहे.

मध्यवर्ती गणेश महामंडळाचे जनसंपर्क अधिकारी विकास कलघटगी यांच्या माध्यमातून पालकमंत्री सतीश जारकीहोळी यांच्याकडे सोमवारी सुट्टी मंगळवारी करा यासाठी पाठपुरावा करण्यात आला होता.

त्यानुसार पालकमंत्री सतीश जारकीहोळी यांनी बेळगावचे जिल्हाधिकाऱ्यांच्या मार्फत बेळगाव जिल्ह्यात देखील सोमवारी ऐवजी मंगळवारी सुट्टी देण्यासाठी सरकारी आदेश काढण्यासाठी प्रयत्न चालवले आहेत. जिल्हाधिकारी नितेश पाटील यांनी राज्य सरकारच्या मुख्य सचिवांना पत्र लिहिले आहे.

 belgaum

https://x.com/belgaumlive/status/1703464038578204904?s=20

जिल्हाधिकारी नितेश पाटील यांनी राज्य शासनाला विनंती करत सोमवार 18 ऐवजी मंगळवार 19 रोजी गणेश चतुर्थीची सुट्टी जाहीर करावी अशी विनंती केली आहे. बेळगाव जिल्ह्यासह सीमा वर्ती भागामध्ये मंगळवार 19 सप्टेंबर रोजी गणेश चतुर्थी साजरी केली जाणार आहे.

राज्यात या अगोदर कारवार आणि मंगळूर या किनारपट्टीवरील भागात मंगळवारीच सुट्टीचे आदेश देण्यात आलेले आहेत त्या पद्धतीने बेळगाव जिल्ह्यात देखील मंगळवारी सुट्टी दिली जावी यासाठी प्रयत्न सुरू आहेत.

गणेश चतुर्थीच्या बाबतीत बेळगावच्या जिल्हाधिकाऱ्यांनी रविवारी रात्री 11 वाजता दिलेले स्पष्टीकरण – माहिती अधिकारी गुरुनाथ कडबुर यांनी प्रसिद्ध केले आहे.

https://x.com/belgaumlive/status/1703468219187777910?s=20

https://x.com/belgaumlive/status/1703468219187777910?s=20

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.