Tuesday, July 23, 2024

/

जीआयटीमध्ये सेंटर ऑफ एक्सलन्सचे उद्घाटन

 belgaum

बेळगाव लाईव्ह:सेंटर ऑफ एक्सलन्सचे उद्घाटन आणि डेसोल्ट सिस्टीम प्रायव्हेट लिमिटेड या कंपनीसोबत समन्वय करार असा संयुक्त कार्यक्रम केएलएस संस्थेच्या गोगटे इन्स्टिट्यूट ऑफ टेक्नॉलॉजी (जीआयटी) येथे नुकताच उत्साहात पार पडला.

शहरातील गोगटे इन्स्टिट्यूट ऑफ टेक्नॉलॉजी येथे काल शुक्रवारी सेंटर ऑफ एक्सलन्सचे उद्घाटन करण्यात आले. याचबरोबर डेसॉल्ट सिस्टीम प्रायव्हेट लिमिटेड या कंपनीसोबत समन्वय करारावर स्वाक्षऱ्या करण्यात आल्या. डेसॉल्ट सिस्टीम इंडिया प्रायव्हेट लिमिटेडचे संचालक तनुज मित्तल व कर्नाटक लॉ सोसायटीचे (केएलएस) अध्यक्ष अनंत मंडगी यांनी करारावर स्वाक्षऱ्या केल्या.

सेंटर ऑफ एक्सलन्स हे केंद्र संशोधन, विकास, प्रशिक्षण व ज्ञान प्रसारासाठी काम करेल. या केंद्रामध्ये डेसॉल्ट सिस्टीमचे अत्याधुनिक सॉफ्टवेअर आणि तंत्रज्ञानाचा वापर करण्यात आला आहे. विद्यार्थी आणि प्राध्यापकांना अत्याधुनिक उपकरणे वापरण्यासाठी हे सॉफ्टवेअर महत्त्वाचे ठरणार आहे. नवकल्पना आणि संशोधनाला चालना देण्यासोबतच अभियांत्रिकी परिकल्पना वाढविण्यासाठी हे तंत्रज्ञान मदत करते.

सेंटर ऑफ एक्सलन्स केंद्राच्या उद्घाटन समारंभाप्रसंगी बोलताना तनुज मित्तल यांनी सध्याच्या स्पर्धात्मक युगात विद्यार्थ्यांना अभियांत्रिकी क्षेत्रातील नव्या संधी उपलब्ध करून देण्यासाठी हे तंत्रज्ञान महत्वाचे ठरेल असे सांगितले. डेसॉल्ट कंपनीचे सेवा व विक्री संचालक राजीव अरमडका यांनी संशोधन विकास आणि प्रशिक्षणामध्ये हे केंद्र महत्त्वाची जबाबदारी बजावेल. नव्या प्रकल्पांची माहिती अभियंत्यांपर्यंत पोहोचवणे हा यामागील उद्देश असल्याचे सांगितले. त्याचप्रमाणे केएलएसचे चेअरमन प्रदीप सावकार यांनी जीआयटी कॉलेज कॉलेजचा आढावा घेत विद्यार्थ्यांना सर्वोत्तम तंत्रज्ञान अभ्यासता यावे हा हे केंद्र स्थापनेमागचा उद्देश असल्याचे स्पष्ट केले.Git

सेंटर ऑफ एक्सलन्स या केंद्रात इलेक्ट्रिकल व्हेईकल सेंटर ऑफ कॉम्प्युटर्स डेसिबल्स प्रायव्हेट लिमिटेड बेंगलोरचा अभ्यासक्रम, डिप्लोमा प्रोग्रॅम, प्रॅक्टिकल सेम्युलेशन आणि हार्डवेअर लॅब याचा अभ्यास करता येतो. यामुळे विद्यार्थ्यांना इलेक्ट्रिकल व्हेईकल क्षेत्रात प्रशिक्षण घेणे सोयीचे ठरते. सायबर सेक्युरिटी सेंटर ऑफ एक्सलेंसमुळे सध्याच्या डिजिटल युगामध्ये सायबर सेक्युरिटी याविषयी कौशल्य मिळवता येते.

आर्टिफिशियल एक्सेलन्ससह सेंटर ऑफ एक्सलन्समध्ये एआय तंत्रज्ञानाविषयी माहिती घेता येते. जीआयटीमधील सेंटर ऑफ एक्सलन्सच्या उद्घाटन समारंभाप्रसंगी केएलएस संस्थेचे सेक्रेटरी प्रदीप सावरकर, प्रा. प्रसन्ना कुलकर्णी यांच्यासह अन्य सदस्य आणि प्राध्यापक वर्ग उपस्थित होता.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.