Sunday, April 21, 2024

/

मराठा बँकेच्या संचालकांनी मार्कंडेयसाठी अधिकाधिक वेळ द्यावा

 belgaum

बेळगाव लाईव्ह :एखाद्या बँकेचे दोन संचालक मार्कंडेय साखर कारखान्यावर निवडून येणे याचा अर्थ त्या तालुक्याच्या सहकार क्षेत्रावर त्या बँकेचे वर्चस्व आहे हे सिद्ध होते ही मराठा बँकेसाठी अभिमानाची बाब आहे.

सुनील अष्टेकर आणि लक्ष्मण नाईक यांनी मार्कंडेय साठी अधिकाधिक वेळ देऊन कारखाना व्यवस्थित चालवावा असे आवाहन दिगंबर पवार यांनी केले.

गुरुवारी सायंकाळी मार्कंडेय सहकारी साखर कारखान्याच्या संचालकपदी निवडून आल्याबद्दल मराठा को-ऑपरेटिव्ह बँक लिमिटेडचे संचालक सुनील अष्टेकर व लक्ष्मण नाईक यांच्यासह सेवानिवृत्त व्यवस्थापक सुधाकर पाटील यांचा मराठा बँकेतर्फे आयोजित सत्कार समारंभ आज मोठ्या उत्साहात पार पडला त्यावेळी पवार बोलत होते.Maratha bank

मराठा बँकेच्या छ. शिवाजी सभागृहामध्ये आयोजित या सत्कार समारंभाच्या अध्यक्षस्थानी बँकेचे चेअरमन दिगंबर पवार हे होते. त्याचप्रमाणे व्यासपीठावर तीनही सत्कारमूर्तींसह बँकेच्या व्हाईस चेअरमन निना काकतकर, ज्येष्ठ संचालक बाळाराम पाटील, बाळासाहेब काकतकर, शेखर हंडे, रेणू किल्लेकर लक्ष्मण होनगेकर,मोहन चौगुले,शेखर हंडे विनोद हांगिरकर व इतर संचालक उपस्थित होते.

प्रारंभी मराठा बँकेचे जेष्ठ संचालक बाळासाहेब काकतकर यांनी सर्वांचे स्वागत करून प्रास्ताविकात सत्कार समारंभ आयोजनाचा उद्देश स्पष्ट केला. त्यानंतर मार्कंडेय सहकारी साखर कारखान्याच्या संचालक पदी निवडून आलेले मराठा बँकेचे संचालक सुनील अष्टेकर व लक्ष्मण नाईक यांचा शाल, श्रीफळ व पुष्पगुच्छ देऊन चेअरमन पवार व ज्येष्ठ संचालक बाळाराम पाटील यांच्या हस्ते सत्कार करण्यात आला.

त्याचप्रमाणे मराठा बँकेतील आपल्या 32 वर्षाच्या प्रदीर्घ सेवेनंतर आज सेवानिवृत्त झालेले बँकेचे व्यवस्थापक सुधाकर पाटील यांचाही यथोचित सत्कार करण्यात आला.यावेळी 20 वर्षाहून अधिक जुने असलेल्या शेअर होल्डरना बोनस वितरण देखील करण्यात आला.

याप्रसंगी निमंत्रित आणि हितचिंतकांसह बँकेचे सभासद बहुसंख्येने उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.