Friday, March 29, 2024

/

राजहंसगड किल्ल्याच्या विकासासाठी अतिरिक्त ५ कोटींचे अनुदान : मुख्यमंत्री

 belgaum

बेळगाव लाईव्ह : मुख्यमंत्री बसवराज बोम्मई यांच्याहस्ते आज येळ्ळूर येथील राजहंसगडावरील छत्रपती शिवाजी महाराजांच्या मूर्तीचे अनावरण करण्यात आले. यावेळी बोलताना मुख्यमंत्री बसवराज बोम्मई यांनी राजहंसगड किल्ल्याच्या सर्वांगीण विकासासाठी ५ कोटी रुपयांचे अतिरिक्त अनुदान देण्यात येणार असल्याचे सांगितले.

या अनुदानाचा उपयोग राजहंसगड किल्ल्याच्या विकासासाठी कम्युनिटी हॉल, विश्रामगृह व इतर मुलभूत सुविधा बांधून पर्यटन स्थळात रूपांतरित करण्यासाठी केला जाणार असल्याचे त्यांनी सांगितले. २००८ मध्ये, सीएम येडियुरप्पा यांनी राजहंसगड किल्ल्याच्या विकासासाठी १४ कोटी रुपये मंजूर केले होते.

जनार्दन रेड्डी त्यावेळी पर्यटन खात्याचे मंत्री होते. आमदार संजय पाटील यांच्या प्रयत्नातून किल्ल्याच्या परिसरात पायाभूत सुविधा उपलब्ध करून देण्यासाठी अनुदान जाहीर करण्यात आले. किल्ल्याच्या विकासासाठी आधीच राखून ठेवलेल्या अनुदानाव्यतिरिक्त ५ कोटींचे अतिरिक्त अनुदान देण्यात येणार असल्याची माहिती त्यांनी दिली.Cm bommai rajahnsgad

 belgaum

राजहंसगड हा अप्रतिम किल्ला आहे. शिवाजी महाराजांचे गतवैभव आणि संस्कृती जपणारा किल्ला आहे. शिवाजी महाराजांच्या व्यक्तिमत्त्वानुसार मूर्तीची प्रतिष्ठापना करण्यात आली असून आगामी काळात गडाचा विकास करणार असल्याचे त्यांनी सांगितले. यावेळी मुख्यमंत्र्यांनी शिवरायांच्या इतिहासाचे समरण केले.

यावेळी जिल्हा पालकमंत्री गोविंद कारजोळ, खासदार मंगला अंगडी, गोकाकचे आमदार रमेश जारकीहोळी, प्रादेशिक आयुक्त एम.जी.हिरेमठ कन्नड, सांस्कृतिक विभागाच्या उपसंचालक विद्यावती भजंत्री आदी मान्यवर उपस्थित होते.

जिल्हाधिकारी नितेश पाटील यांनी स्वागत केले. विनायक मोरे आणि त्यांच्या टीमने नाडगीत सादर केले. बसवराज कुप्पासगौडा यांनी आभार मानले. यावेळी राजहंसगड येथील ग्रामस्थही बहुसंख्येने उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.