Friday, March 29, 2024

/

*जागेच्या वादातून दोन गटात हाणामारी 7 जण जखमी*

 belgaum

जागेच्या मालकी हक्कावरून दोन गटातील वादाचे पर्यवसान विळा, कोयत्याने हल्ला करून एका माजी लष्करी अधिकाऱ्यासह 7 सात जणांना गंभीर जखमी करण्यामध्ये झाल्याची घटना सावगाव रोडवर अंगडी कॉलेजनजीक सोमवारी सकाळी घडली. जखमींना जिल्हा इस्पितळात दाखल करण्यात आले आहे.

शोभा बसवंत तारीहाळकर (वय 60), कृष्णा महादेव पाटील (वय 39), परशुराम पाटील (वय 53), यल्लाप्पा पाटील (वय 40, सर्व रा. बेनकनहळ्ळी ता. बेळगाव), अर्जुन विठ्ठल कोले (वय 52), श्रीकांत पाटील (वय 62) आणि राजू पाटील (वय 32) (तिघेही रा. सावगाव रोड) अशी जखमींची नावे आहेत. या सर्व जखमींना सिव्हिल हॉस्पिटलमध्ये उपचारासाठी दाखल करण्यात आले आहे. जखमींपैकी अर्जुन कोले हे लष्करातून सेवा निवृत्त झाले आहेत.

लष्करात सेवा बजावीत असताना त्यांनी सावगाव रोड येथील या जागेच्या मालकाकडून जागा खरेदी करून घर बांधले आहे. या जागेच्या भाऊबंदकीचा वाद असल्याने कोले यांच्या नातेवाईकांनी आपली जागा असल्याचा दावा करून त्यांच्यावर वाद सुरू केला होता.

 belgaum

या वादाचे पर्यवसान कोयता व विळ्याने एकमेकांवर हल्ला करण्यात झाले. त्यामध्ये 7 जण जखमी झाले आहेत. याप्रकरणी बेळगाव ग्रामीण पोलीस ठाण्यात गुन्हा नोंद झाला असून पोलीस अधिक तपास करीत आहेत.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.