Monday, April 15, 2024

/

रोहयोमध्ये बेळगाव तालुका अग्रस्थानी

 belgaum

रोजगार हमी योजनेअंतर्गत (रोहयो) सर्वाधिक रोजगार उपलब्ध करून देण्याद्वारे बेळगाव तालुका संपूर्ण जिल्ह्यात प्रथम स्थानावर आहे. बेळगाव तालुक्यात वर्षभरात 35 हजार 707 कुटुंबियांसाठी 16 लाख 69 हजार 114 मानव दिन कामाची व्यवस्था करण्यात आली ही आकडेवारी जिल्ह्यात सर्वाधिक ठरली आहे.

बेळगाव जिल्हा रोहयोत पुन्हा एकदा अव्वल ठरला असून सर्वाधिक रोजगार बेळगाव तालुक्याने दिला आहे. गेल्या 2021 -22 आर्थिक वर्षात बेळगाव जिल्ह्यात 3 लाख 1571 कुटुंबांना कामं देण्यात आली यासाठी 1 कोटी 50 लाख 15 हजार 248 मानव दिन कामाची व्यवस्था करण्यात आली.

त्यात बेळगाव तालुक्यात सर्वाधिक कामांची नोंद झाली आहे. तालुक्याने 2 हजार 956 कुटुंबांना 100 दिवसांपेक्षा अधिक दिवस काम दिले आहे. त्यासाठी तीन लाख 53 हजार 885 मानव दिवस कामाचे नियोजन केले गेले.

 belgaum

रोहयोअंतर्गत तालुक्यात कामांची मागणी दिवसेंदिवस वाढत चालली आहे. यापूर्वी अनेक ग्रामपंचायतीकडून बनावट लाभार्थी दाखवून यंत्राच्या सहाय्याने काम करण्यावर भर दिला जात होता. मात्र कोरोना संसर्गामुळे ही परिस्थिती बदलली असून ग्रामीण भागात रोहयो कामाची मागणी वाढली आहे.

दिवसाला 289 रुपये मजुरी दिली जात असल्याने ग्रामीण भागातील शेतमजूर आणि महिलांना गावातच चांगला रोजगार मिळत आहे. त्यासाठी शेतमजुरीही आता रोहयो कामांकडे वळू लागला असल्यामुळे प्रत्येक ग्रामपंचायतीकडून त्यानुसार कामाचे नियोजन केले जात आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.