शिक्षण खात्याने 2011 पूर्वी इयत्ता दहावी नापास झालेल्या विद्यार्थ्यांना मोठा दिलासा दिला असून नापास झालेल्या विद्यार्थ्यांना दहावी परीक्षा पास होण्यासाठी सहा वेळा संधी देण्याचा निर्णय घेतला आहे. या निर्णयामुळे संबंधित विद्यार्थ्यांना मोठा दिलासा मिळाला आहे.
शिक्षण खात्यातर्फे दहावीची परीक्षा पास होण्यासाठी सध्या विद्यार्थ्यांना सहा वेळा संधी उपलब्ध करून दिली जाते. मात्र 2011 पूर्वी नापास झालेल्या विद्यार्थ्यांना दहावीची परीक्षा देण्यासाठी जुन्या अभ्यासक्रमाप्रमाणे प्रश्नपत्रिका व उत्तरपत्रिका उपलब्ध करून देण्यात येत होती. तसेच विद्यार्थी वेळेत पास झाला नाही तर त्या विद्यार्थ्यांना बहिस्थ म्हणून परीक्षा द्यावी लागत होती. त्यामुळे परीक्षेवेळी गोंधळ निर्माण होत होता.
हा दोन गोंधळ दूर करण्यासाठी शिक्षण खात्याने 2011 पूर्वी नापास झालेल्या विद्यार्थ्यांनाही सहा वेळा परीक्षा देण्याची संधी उपलब्ध करून देण्याचा निर्णय घेतला आहे. सहा वेळा संधी देण्याचा निर्णय घेण्यात आल्यामुळे विद्यार्थ्यांना त्याचा लाभ मिळणार असून 2024 पर्यंत विद्यार्थ्यांना भाषा विषयाची पास होण्याची संधी मिळणार आहे.
तसेच सहा वेळा संधी देऊन देखील विद्यार्थी नापास झाला तर त्या विद्यार्थ्याला 2025 नंतर नव्याने खासगी विद्यार्थी म्हणून परीक्षा देण्यासाठी अर्ज दाखल करावा लागणार आहे. एकंदर शिक्षण खात्याने दिलेल्या संधीचा लाभ उठवत नापास झालेल्या विद्यार्थ्यांनी परीक्षेसाठी अर्ज करून उत्तीर्ण होणे गरजेचे आहे. तसेच विद्यार्थी अधिक माहितीकरता नजीकच्या शाळेशी संपर्क साधू शकतात.
