मूळचा खानापूर मात्र अलीकडे अझमनगर बेळगाव येथे राहणाऱ्या अरबाज मुल्ला या युवकाच्या प्रेमप्रकरणातून झालेल्या खुनाचा उलगडा झाला असून पोलिसांच्या विशेष तपास पथकाने खानापुरातील श्री राम सेना या हिंदुत्ववादी संघटनेच्या प्रमुखांसह एकूण 10 जणांना अटक केली आहे.
खानापूरनजीक बेळगाव -खानापूर रेल्वे मार्गावर गेल्या 28 सप्टेंबर रोजी अरबाज मुल्ला याचा संशयास्पद अवस्थेतील मृतदेह आढळून आला होता. मयत अरबाजच्या आईने केलेल्या तक्रारीवरुन पोलिसांनी तपास चक्रे फिरवून 10 जणांना अटक केली आहे.
पुंडलिक उर्फ महाराज नागाप्पा मुतगेकर (वय 39, वेतोळी, ता. खानापूर), कुतुबुद्दिन अल्लाबक्ष बेपारी (वय 36, रा. बाहेर गल्ली, खानापूर) सुशीला इराप्पा कुंभार (वय 42, रा. मारुतीनगर, खानापूर), मारुती प्रल्हाद सुगते उर्फ गोंधळी (वय 30, मरेम्मा कॉलनी, खानापूर), मंजुनाथ तुकाराम गोंधळी (वय 25, रा. विद्यानगर खानापूर),
गणपती ज्ञानेश्वर सुगते उर्फ गोंधळी (वय 27, रा. विद्यानगर, खानापूर) इराप्पा बसवनेप्पा कुंभार (वय 54, रा. मारुतीनगर खानापूर), प्रशांत कल्लाप्पा पाटील (वय 28, चन्नेवाडी, ता. खानापूर), प्रवीण शंकर पुजारी (रा. बाळेकुंद्री खुर्द, ता. बेळगाव) आणि श्रीधर महादेव डोनी (वय 31, रा. होनगा, ता. बेळगाव) अशी पोलिसांनी अटक केलेल्या संशयितांची नांवे आहेत.
मिळालेल्या माहितीनुसार प्रेमप्रकरणातून घडलेल्या या खून प्रकरणात मुलीच्या आईवडिलांनीच अरबाजचा खून करण्याची सुपारी दिली होती.
