बेळगाव महापालिका हद्दीत वास्तव्यास असलेल्या मूळच्या खानापूर येथील रहिवाशांनी 3 सप्टेंबर रोजी होणाऱ्या बेळगाव महापालिका निवडणुकीत म. ए. समितीच्या उमेदवारांसह मराठी भाषिक उमेदवारांनाच भरघोस मतदान करून विजयी करावे, असे आवाहन खानापूर तालुका महाराष्ट्र एकीकरण समितीने केले आहे.
बेळगाव महानगरपालिकेच्या येत्या 3 सप्टेंबर रोजी होणाऱ्या निवडणुकीसाठी मध्यवर्ती महाराष्ट्र एकीकरण समितीने दिलेल्या अधिकृत उमेदवारांना व कांही खुल्या सोडलेल्या प्रभागातील मराठी भाषिक उमेदवारांना तेथे वास्तव्यास असलेल्या खानापूरच्या रहिवाशांनी भरघोस मतदान करून निवडून आणावे.
तसेच बेळगाव महापालिकेवर भगवा ध्वज फडकविण्यासह मराठीभाषीक महापौर-उपमहापौर होण्यासाठी सहकार्य करावे, असे आवाहन खानापूर तालुका म. ए. समितीचे अध्यक्ष देवाप्पा गुरव, कार्याध्यक्ष मारुती परमेकर, सचिव गोपाळ देसाई आणि समस्त कार्यकारिणीने एका पत्रकाद्वारे केले आहे.
