belgaum

ठप्प झालेली फुलांची खरेदी-विक्री आणि कोरोना संसर्गाचा वाढता धोका लक्षात घेऊन शहरातील फुलांचे मार्केट उद्या बुधवार दि. 26 मेपासून बंद ठेवण्याचा निर्णय बेळगाव फुलं खरेदी-विक्री व्यापारी संघटनेने घेतला आहे.

बेळगाव ग्रामीण भागात कोरोनाग्रस्तांची संख्या मोठ्या प्रमाणात वाढली आहे. या भागातील शेतकरी फुलं खरेदी-विक्रीसाठी बेळगावच्या फुल मार्केटमध्ये येत असतात. खरेदी विक्रीसाठी येणाऱ्या कोणाला कोरोना झाला आहे हे सांगता येत नाही. त्यामुळे मार्केटमधील एकाला जरी कोरोनाची लागण झाली तर संपूर्ण मार्केट सील डाऊन केले जाणार आहे. ती वेळ येऊ नये म्हणून आम्ही स्वतःहून फुलांचे मार्केट उद्यापासून बंद करत आहोत. त्याचप्रमाणे शेतकरी 100 -150 कि. मी. अंतरावरून खरेदी-विक्रीसाठी येत असतात.

bg

मात्र सध्या मालाची विक्री नाही त्यामुळे बिचाऱ्या शेतकऱ्यांना गाडीभाडे आणि इतरखर्चाचा भुर्दंड सोसावा लागत आहे, मार्केट बंद करण्यामागचे हेदेखील एक कारण आहे, असे सलीम घोडेवाले या फुल विक्रेत्याने सांगितले.Flower market

फुलं ही अत्यावश्यक गोष्टींमध्ये मोडत नाहीत. त्यामुळे एक तर आम्हाला फुल मार्केट सुरू ठेवण्याची सरकारची परवानगी नाही. दुसरी गोष्ट व्यापार सुरू ठेवायचा तर सर्व मंदिरे बंद आहेत. लग्न समारंभ साध्या पद्धतीने मर्यादित स्वरूपात केले जात आहेत.

फुलांची खरेदी जास्तीत जास्त देवपूजेसाठी आणि लग्न समारंभ आदींसाठीच केली जाते. परंतु कोरोना प्रादुर्भाव आणि लाॅक डाऊनमुळे फुलांची विक्री पूर्णपणे ठप्प झाली आहे. यात भर म्हणून सध्या वेळेचे निर्बंध घालण्यात आले आहेत. या सर्व गोष्टींमुळे आम्ही व्यापारी आणि फूल विक्रेते त्रस्त झालो असून त्यासाठी उद्यापासून बेळगाव फुल मार्केट बंद ठेवण्याचा निर्णय घेण्यात आला असल्याचे अन्य एका व्यापाऱ्याने स्पष्ट केले.

bg

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.