Friday, March 29, 2024

/

तालुका पंचायत मध्ये सरकारचा निषेध

 belgaum

उत्तर कर्नाटकाला दुर्लक्षित करून सरकारने परत एकदा दाखविला आहे. त्यामुळे बेळगाव तालुक्यातील विकास खुंटला आहे. बेळगाव तालुक्याला देण्यात येणारा पण उशिरा देण्यात येत असल्याने मोठी समस्या निर्माण होत आहे. त्यामुळे सरकारच्या दुटप्पी धोरणाचा आम्ही निषेध करतो असे तालुका पंचायत बैठकीत ठरविण्यात आले.

या सरकारला लाज वाटली पाहिजे. देण्यात आलेला फंड अजूनही मंजूर झाला नसल्याने अनेक विकासकामे थांबली आहेत. त्याचबरोबर बसव वस्ती योजनेतील घरांना मंजुरी मिळाली नाही. अतिवृष्टीमुळे बेळगाव तालुक्यात मोठ्या प्रमाणात नुकसान झाले आहे.

त्याची नुकसान भरपाई देण्यात आली नाही. त्यामुळे सरकारच्या दुटप्पी याचा कळस झाला आहे. नेते मंडळी फक्त मंत्रिपदाच्या खुर्चीसाठी रस्सीखेच करतात. मात्र गरीब जनतेच्या कामासाठी प्रयत्न करत नाहीत. त्यामुळे या सरकारचा निषेध असून तातडीने विकासासाठी निधी द्यावा असा ठरावही तालुका पंचायत बैठकीत करण्यात आला. संयुक्त अनुदान आणि स्टॅम्प ड्युटी फंड देण्यास उशीर झाल्याने बरीच कामे रेंगाळली आहेत.

 belgaum

कोरोना काळात काही प्रमाणात निधी देण्यात आला नसला तरी आता तातडीने निधी देऊन सर्व तालुक्याचा विकास साधावा असे निवेदन ही मुख्यमंत्री व जिल्हा पंचायत कार्यकारी अधिकाऱ्यांना निवेदनाद्वारे करण्यात आले आहे. बेळगाव तालुक्यातील विविध कामांना गती द्यायचे असेल तर मंजूर झालेला फंड तातडीने घ्यावा, असे सांगण्यात आले. यावेळी तालुका पंचायत अध्यक्ष शंकरगौडा पाटील अध्यक्षतेखाली ही बैठक झाली.

व्यासपीठावर तालुका पंचायतीचे कार्यकारी अधिकारी मल्लिकार्जुन कलादगी, तालुका पंचायत उपाध्यक्ष मारुती सनदी उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.