शहरात आणखी दोन नवीन ओव्हर ब्रिज

रेल्वे खात्याच्या वतीनं तीन चार वर्षांपासून ब्रिज बांधण्याचे कार्य हाती घेण्यात आले होते ते काम चालूच असून शहरातील रेल्वे उड्डाण पुलांची संख्या वाढतंच आहे.

कपिलेश्वर रोड वरचे कपिलेश्वर उड्डाण पूल,जुन्या पी बी रोडवरील छत्रपती शिवाजी महाराज उड्डाण पूल आणि गोगटे सर्कल जवळील महात्मा बसवेश्वर उड्डाण पुलं अश्या तीन ब्रिज नंतर आणखी दोन रेल्वे ब्रिजांचे निर्माण केले जाणार आहे.

रेल्वे आणि महानगरपालिकेच्या अधिकाऱ्यांनी तानाजी गल्ली आणि चौथ्या रेल्वे गेट जवळ रेल्वे ओव्हरब्रिज संबंधी सर्वेक्षण केले.ओव्हरब्रिज बांधण्यासाठी ठरविण्यात आलेल्या जागेची त्यांनी पाहणी केली.

ओव्हरब्रिज उभारण्याच्या जागेत अतिक्रमण झाले आहे काय यासाठी ही पहिली पाहणी होती.आता रेल्वे खात्याचे अधिकारी ओव्हरब्रिजचे एस्टीमेट तयार करून रेल्वे मंत्रालयाला पाठवणार आहेत.तानाजी गल्ली ओव्हरब्रिजला मंजुरी मिळणार असून चौथ्या रेल्वे गेटचा प्रस्ताव पाठविण्यात येणार आहे.मंजुरी मिळाल्यावर साधारण पणे 2020 च्या उत्तरार्धात काम सुरू होण्याची शक्यता आहे.