Friday, March 29, 2024

/

मनात मंत्रीपदाचा घाट, धरली बद्रीनाथाची वाट’

 belgaum

सत्तेच्या सारिपटात हतबल माजी मंत्री रमेश जारकीहोळी हे बद्रिनाथांच्या चरणी लिन झाले आहेत.गेलेलं मंत्री मिळवून पुन्हा सत्ता हातात यावी म्हणून त्यांनी शिव दरबारी गाऱ्हाणं मांडलं आहे.रमेश जारकीहोळी हे केदारनाथ बद्रीनाथ मध्ये शिव दर्शन घेत असल्याचे काही फोटो सोशल मीडियावर व्हायरल झाले आहेत.

निलंबित आमदार रमेश जारकीहोळी कित्येक दिवसांपासून दिल्लीत तळ ठोकून आहेत गोकाक मध्ये पूर आला तरी रमेश हे उत्तर भारतात अनेक ठिकाणी फिरतानाचे फोटो व्हायरल होताहेत.गोकाक मधील पूर ग्रस्त जनतेला धीर देण्याची गरज असताना त्यांची दिल्ली वारी टीकेची बनली आहे. माजी मंत्री सतीश जारकीहोळी यांनी देखील त्यांच्यावर गोकाक कडे दुर्लक्ष करत असल्याची टीका केली होती.

गोकाक विधानसभा मतदारसंघातल्या जनतेला काहीही होऊ देत मला मात्र सत्ता आणि पद मुख्य आहे हे दाखवून देत त्यांनी दिल्लीत तळ ठोकून आमदारकी निलंबन रद्द करण्यासाठी जोरदार प्रयत्न चालवले आहेत.त्यांनी केदारनाथ बद्रीनाथाची वारी केली आहे.आमदारकी गेल्या पासून ते अनेक मंदिरे फिरत आहेत.काँग्रेस सरकार मध्ये मंत्री असतेवेळी त्यांनी अजमेर दर्ग्याला देखील भेट दिली होती आता ते बद्रीनाथाच्या चरणी दाखल झालेत. एकूणच गोकाकच्या जनतेच्या टीकेचे लक्ष बनले आहेत.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.