प्रवाशांचा भरघोस प्रतिसाद लाभलेली एअर इंडियाची बेळगाव-बंगळूर एअरबस विमानसेवा हुबळीला स्थलांतर करण्यामागे राजकीय हितसंबंध दडलेत की अर्थिक देवाणघेवाण? असा प्रश्न उपस्थित होते आहे.
सरकारी एअर इंडियाची विमाने बंद करुन खाजगी विमान कंपन्यांना प्रोत्साहन देण्यामागे गणित काय अश्या अनेक प्रश्नांनी उचल खाल्ली आहे.
एअर इंडिया ची एअरबस बेळगाव बंगळुरू बेळगावहून हुबळीला स्थलांतर होत आहे त्या निमित्ताने पुन्हा एकदा हा प्रश्न उपस्थित होत आहे .
उडानच्या लोभापायी गतवर्षी 30 जूनला स्पाईस जेटने सांबरा विमानतळावरील मुंबई, बंगळूर, हैदराबाद आणि चेन्नई या चार सेवा हुबळीला स्थलांतर केल्याने करोडो रुपये खर्च करून अत्याधुनिक करण्यात आलेल्या सांबरा विमानतळावर शुकशुकाट पसरला. बेळगावच्या विविध संघटनांचा दबाव आणि जनरेट्यामुळे 11 जुलै 2018 पासून एअर इंडियाची उपकंपनी अलायन्स एअरने बंगलोर- बेळगाव-बंगलोर अशी सेवा सुरू केली. प्रवाशांची गरज लक्षात घेवून दि 10 ऑगस्ट 2018 पासून एअर इंडियाने बोइंग विमानाने बेळगाव-बंगलोर ही शहरे जोडली. सांबरा विमानतळ निर्माण झालेल्या 76 वर्षात हे पाहिलेच बोइंग ठरल्याने इतिहासात नवा अध्याय लिहला गेला.
उडानमध्ये बेळगाव विमानतळाचा समावेश झाल्यानंतर हळूहळू पुन्हा विमानतळावरील हालचाली गतिमान झाल्या. बंगळूर पाठोपाठ हैदराबाद,पुणे आणि अहमदाबाद या शहरांना थेट विमानफेऱ्या सुरू झाल्या. अत्यावश्यक असणारी मुंबईची फेरी लौकरच सुरू होणार असल्याची चिन्हे दिसत होती.
सर्व काही सुरळीत असताना अचानक एअर इंडियाने 1 जूनपासून बोइंग विमान बंद करण्याचा निर्णय घेतला आहे. या फेरीला प्रवाशांचा सरासरी 95 टक्के लोड आहे. तोटा असेल तर एक वेळ समजू येते मात्र प्रचंड लाभतील ही सेवा हुबलीकडे वळविण्याचा निर्णय न पटणार आहे.
गतवर्षी स्पाईस जेट ची विमाने स्थलांतर करू नये यासाठी सांबरा विमानतळावरील कर्मचारी तसेंच विविध संघटनांनी मनधरणी केली होती. मात्र स्पाईस जेटच्या व्यवस्थापनाने उडानच्या गाजरामुळे सांबरा विमानतळाला ठेंगा दाखविला होता. हुबळीत अनेक कंपन्याशी स्पर्धा जुंपल्याने
स्पाईस जेटवर पुन्हा बेळगावला परतावे लागले. कठीण समयी एअर इंडियाने साथ दिली असताना त्यांना डावलून स्पाईसजेटसाठी पायघड्या घातल्या तर जात नाही ना? असा प्रश्न उपस्थित केला जात आहे.
