Sunday, May 19, 2024

/

पानसरे यांच्या मारेकरयाना गजाआड करा

 belgaum

बेळगाव : ज्येष्ठ कम्युनिस्ट नेते व विचारवंत कॉम्रेड गोविंद पानसरे यांच्या मारेकऱ्यांना व कटाच्या सूत्रधाराला त्वरित अटक करावी या मागणीसाठी विविध पुरोगामी संघटनांच्या वतीने सोमवारी सकाळी शहरात निर्भय फेरी काढण्यात आली,
भारतीय कम्युनिस्ट पक्ष, स्वातंत्र्य सैनिक व उत्तराधिकारी संघ, अंधश्रद्धा निर्मूलन समिती, बेळगाव मार्ग, बेळगाव जिल्हा मराठी पत्रकार संघ यांच्यावतीने हि फेरी काढण्यात आली.

pansare
धर्मवीर संभाजी चौकातून या यात्रेस प्रारंभ झाला, यावेळी ज्येष्ठ कम्युनिस्ट नेते व लेखक कॉम्रेड कृष्णा मेणसे उपस्थित होते, हि यात्रा कॉलेज रोड, समादेवी गल्ली, खडेबाजार, मारुती गल्ली मार्गे जाऊन हुतात्मा चौकात विसर्जित झाली, या यात्रेत माजी आमदार परशुरामभाऊ नंदिहळी, विठ्लराव याळगी, राजेंद्र कलघटगी, ऍड नागेश सातेरी, कृष्णा शहापुरकर, अनिल आजगावकर, शिवाजी कागणिकर, शंकर चौगुले, अशोक देशपांडे, सुहास हुद्दार, प्रकाश माने, आप्पजी मोरे, प्रकाश देसाई, अशोक याळगी, अर्जुन संगावकार, गायत्री गोनबोरे, दीपिका जाधव, शामल संताजी, कला सातेरी, ऍड अजय सातेरी, राहुल पाटील, रमेश मोरे, प्रताप काकेरु, दिलीप सोहनी यांच्यासह सिद्धार्थ फ्री बोर्डिंगचे विद्यार्थी सहभागी झाले होते, यावेळी ऍड नागेश सातेरी यांचे श्रद्धांजलीपर भाषण झाले.
यानंतर सकाळी 11 वाजता जिल्हाधिकाऱ्यांना निवेदन देऊन कॉम्रेड पानसरे यांच्या खुनाचा तपास लवकर व्हावा व दोषींना कठोर शिक्षा व्हावी अशी मागणी करण्यात आली.
उपतहशीलदार मंजुनाथ जानकी यांनी निवेदनाचा स्विकार करून सदर निवेदन शासनाकडे पाठवून देऊ असे त्यांनी सांगितले.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.