belgaum

दिवाळीनिमित्त बेळगावच्या फुल मार्केटमध्ये गर्दी

0
 belgaum

बेळगाव लाईव्ह: दिवाळी सणाच्या पार्श्वभूमीवर लक्ष्मीपूजन आणि घरगुती पूजेसाठी फुलांची खरेदी करण्यासाठी अशोकनगर येथील घाऊक फुल बाजारात नागरिकांची मोठी गर्दी होत आहे. सणामुळे फुलांच्या मागणीत वाढ झाली असून त्याचा परिणाम दरांवरही दिसून येत आहे.

बेळगावच्या या फुल बाजारात स्थानिक परिसरासह विविध भागांतून वेगवेगळ्या प्रकारची फुले विक्रीसाठी दाखल होत आहेत. स्थानिक गलाटा फुले, झेंडू, पांढरी व पिवळी शेवंती, गुलाब, गुलछडी अशा विविध फुलांनी बाजारपेठ फुलून गेली आहे. दिवाळीतील लक्ष्मीपूजन, इतर धार्मिक विधी तसेच घरांच्या सजावटीसाठी या फुलांना विशेष मागणी असते.

या बाजारात बेळगाव शहर आणि आसपासच्या गावांतील नागरिकांसह महाराष्ट्र, कोकण आणि गोवा येथूनही व्यापारी व ग्राहक मोठ्या संख्येने खरेदीसाठी येत आहेत. त्यामुळे पहाटेपासूनच बाजारात खरेदीदारांची वर्दळ सुरू होत असून फुलांची खरेदी-विक्री मोठ्या प्रमाणात होत आहे.

 belgaum

दिवाळीच्या पूजेसाठी फुलांना विशेष महत्त्व असल्याने अनेक नागरिक सणाच्या तयारीसाठी आवश्यक फुले आणि हार खरेदी करत आहेत. वाढलेल्या मागणीमुळे फुलांच्या दरातही वाढ झाली आहे. तरीही सणासाठी लागणारी फुले खरेदी करण्यासाठी बाजारात ग्राहकांची गर्दी कायम आहे.

दिवाळीच्या निमित्ताने अशोकनगर येथील फुल बाजारात निर्माण झालेली ही लगबग सणाच्या उत्साहाची चाहूल देत आहे. वाढती मागणी आणि ग्राहकांची मोठी वर्दळ यामुळे फुल बाजारात सध्या चांगली उलाढाल होत आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.