Friday, July 19, 2024

/

पावसाळ्यापूर्वीच बेळगाव शहरात उपेक्षित ड्रेनेजची समस्या

 belgaum

बेळगाव लाईव्ह :तुंबलेले ड्रेनेज आणि अपुऱ्या देखभालीमुळे मान्सूनपूर्व संकटे वाढल्याने शहरवासीय घाबरले आहेत. पावसाळा जसजसा जवळ येत आहे, तसतशी शहराच्या ढासळलेल्या ड्रेनेज व्यवस्थेबद्दल बेळगावच्या रहिवाशांची चिंता वाढत आहे. बेळगाव महापालिकेने गटारी व ड्रेनेजच्या नियमित देखभालीकडे दुर्लक्ष केल्याने रस्त्यावर साचणाऱ्या सांडपाण्यामुळे लोकांचे आरोग्य आणि सुरक्षितता धोक्यात आली आहे.

अतिवृष्टीचा धोका असूनही बेळगाव महापालिकेत ड्रेनेज सफाई कर्मचाऱ्यांची पूर्ण गैरहजेरी असल्याचे अहवाल सांगतात. परिणामी नाले -ड्रेनेज सफाईची एकवेळची कार्यक्षम प्रक्रिया आता थांबली आहे. ज्यामुळे अनेक रस्ते सांडपाण्याने तुडुंब भरून वाहत आहेत. हा निष्काळजीपणाचा दृष्टीकोन विशेषत: मुख्य वादळी पाण्याच्या ड्रेनेजकडे दुर्लक्ष करण्यामध्ये स्पष्ट झाला आहे.

हे नाले -ड्रेनेज केरकचरा गाळाच्या ढिगाऱ्यांमुळे गुदमरलेले असून ज्यामुळे येत्या आठवड्यात पुराचा धोका वाढला आहे. अलीकडील मान्सून पूर्व पावसाच्या सरींनी शहरातील ड्रेनेजच्या अपयशी पायाभूत सुविधांची जाणीव करून दिली आहे. रामदेव गल्ली, फोर्ट रोड, खडेबाजार शहापूर, खासबाग, पांगुळ गल्ली आणि इतर अनेक रस्त्यांचे रूपांतर छोट्या कालव्यांमध्ये होताना पहावयास मिळत आहे.

शहरातील तुंबलेले ड्रेनेज मध्यम स्वरूपाच्या पावसाचाही सामना करू शकत नाहीत. बहुचर्चित स्मार्ट सिटी उपक्रमांच्या अकार्यक्षमतेमुळे पाण्याचा सुलभ निचरा होण्यासाठी डिझाइन केलेले ड्रेनेज त्यांचा हेतू साध्य करण्यात अयशस्वी ठरल्यामुळे परिस्थिती आणखी बिघडली आहे.

अनेक अधिकाऱ्यांच्या सार्वजनिक सुरक्षेकडे दुर्लक्ष करण्याच्या वृत्तीबद्दल शहरवासीयांमध्ये निराशा व नाराजी व्यक्त होत आहे. “आमच्या शहराच्या ड्रेनेज सिस्टमची स्थिती पाहणे भयावह असल्याची टिप्पणी एका रहिवाशाने केली. तसेच पावसाळा सुरू होण्यास 30 दिवसांपेक्षा कमी कालावधी असताना महापालिकेकडून कारवाईचा अभाव केवळ अस्वीकार्य असल्याचे मतही व्यक्त केले.Drainage

या निष्काळजीपणाचे परिणाम केवळ गैरसोयीच्या पलीकडे वाढले असून जलजन्य रोगांचा संभाव्य उद्रेक आणि सखल भागात पुराच्या धोक्याची शक्यता वाढत आहे. याखेरीज वेळेवर या समस्यांचे निराकरण करण्यातील अपयश महापालिका प्रशासनाची खराब कार्यक्षमता प्रतिबिंबित करते. गटारांमध्ये मलबा टाकतात ही नागरिकांचीही चूक असून ज्यामुळे सांडपाणी साचण्याचे प्रमाण वाढत आहे. वाढत्या दबावाला प्रतिसाद म्हणून बेळगाव महापालिकेच्या अधिकाऱ्यांनी परिस्थिती सुधारण्यासाठी तात्काळ कारवाई करण्याचे आश्वासन दिले आहे. अशी आश्वासने अपुऱ्या ड्रेनेज पायाभूत सुविधांच्या परिणामांमुळे त्रस्त झालेल्या रहिवाशांसाठी येऊ घातलेल्या पावसाळ्याच्या तोंडावर थोडासा दिलासा देणारी ठरत आहेत.

तथापि पावसाळ्याची उलटी मोजणी सुरू असताना ड्रेनेज प्रणालीच्या देखभालीला प्राधान्य देण्याची आणि बेळगावच्या रहिवाशांची सुरक्षा आणि कल्याण सुनिश्चित करण्याची जबाबदारी पूर्णपणे अधिकाऱ्यांवर आहे. कारण निर्णायक कृतीच्या कोणत्याही कमतरतेमुळे पाऊस पडल्यानंतर शहर अराजकतेत बुडण्याचा धोका असतो.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.