Wednesday, April 17, 2024

/

पै. अतुल शिरोळे यांना राष्ट्रीय कोचिंग कोर्समध्ये ‘अ’ श्रेणी

 belgaum

बेळगाव लाईव्ह :बेळगांव येथील अनेक मैदानं गाजवणारे नामवंत पैलवान अतुल सुरेश शिरोळे यांनी भारतीय क्रीडा प्राधिकरणाचा (साई) प्रशिक्षण अभ्यासक्रम यशस्वीरित्या पूर्ण करत ‘अ’ श्रेणी प्राप्त केली आहे. त्यामुळे आता ते कुस्ती प्रशिक्षक म्हणून मैदानात उतरणार आहेत.

पंजाबमधील पटीयाला येथे नेताजी सुभाष चंद्र नॅशनल इन्स्टिट्यूट ऑफ स्पोर्ट्स (एनआयएस) येथे कुस्ती प्रशिक्षक पदासाठी पदविका अभ्यासक्रम करणासाठी देशभरातील विविध भागांतून पैलवान उपस्थित होते. यामध्ये बेळगाव तालुक्यातील मुचंडी गावचे सुपुत्र पै. अतुल शिरोळे यांनी हा राष्ट्रीय प्रशिक्षण अभ्यासक्रम (कोचिंग कोर्स) गुणवत्तेत पूर्ण करून ‘अ’ श्रेणी संपादन केली आहे. त्यामुळे आता ते कुस्ती प्रशिक्षक म्हणून मैदानात उतरतील.

भारत सरकारच्या क्रीडा मंत्रालयाच्यावतीने भारतीय क्रीडा प्राधिकरण मार्फत क्रीडा प्रशिक्षक निर्माण करण्यासाठी अभ्यासक्रम घेण्यात येतो. पै.अतुल शिरोले हे गेली 10 वर्षे राष्ट्रीय व आंतरराष्ट्रीय कुस्ती स्पर्धा खेळत होते. जॉर्जिया, रशिया, युरोप, तुर्कस्तान, दक्षिण कोरिया येथे झालेल्या कुस्ती स्पर्धांमध्ये त्यांनी कांस्य पदक देखील पटकाविले आहे.Atul shirole

 belgaum

जागतिक व आशियायी स्पर्धेमध्ये भारतचे प्रतिनिधित्व करून तेथे दखील त्यांनी पदक मिळवले आहे. कुस्ती मधील त्यांची जबरदस्त कामगिरी लक्षात घेऊन पै. अतुल शिरोळे यांना भारत सरकारने राष्ट्रीय क्रीडा पुरस्कार देऊन गौरविले आहे.

पै. अतुल हे सध्या मराठा मंडळ संस्थेमध्ये क्रीडा प्रशिक्षक म्हणून कार्यरत आहेत. त्यांना संस्थेच्या अध्यक्षा आणि घरच्यांचे प्रोत्साहन तसेच मित्र परिवार व मुचंडी गावकऱ्यांचे सहकार्य लाभत आहे. राष्ट्रीय पातळीवरील कुस्ती प्रशिक्षण अभ्यासक्रम पूर्ण करून ‘अ’ श्रेणी प्राप्त केल्याबद्दल पै. अतुल शिरोळे यांचे बेळगांव शहरासह ग्रामीण भागात अभिनंदन व कौतुक होत आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.