Saturday, July 13, 2024

/

उत्तराखंड दुर्घटनाच्या मदत कार्यात बेळगाव एल अँड टीचे पथक

 belgaum

बेळगाव लाईव्ह :उत्तराखंड येथील बोगद्यात अडकलेल्या 40 कामगारांना वाचविण्यासाठी हाती घेण्यात आलेल्या मदत कार्यामध्ये बेळगावच्या एल अँड टी कंपनीचे पथक महत्त्वाची भूमिका निभावत आहे. बेळगावच्या 24 तास पाणीपुरवठा प्रकल्पसाठीचे रोबोटिक कॅमेरे वापरून बोगद्यात अडकलेल्या कामगारांचे लाईव्ह फुटेज मिळविण्यासह मदत कार्यावर जवळून नजर ठेवली जात आहे.

उत्तराखंड येथील सिल्क्यारा ते दंडलगाव मार्गावरील बोगद्याच्या आत छताचा कांही भाग कोसळल्यामुळे त्या ठिकाणी 40 कामगार अडकून पडले आहेत. त्यांना बाहेर काढण्याचे शर्तीचे प्रयत्न सुरू झाले आहेत. बोगद्यात 270 मीटर आतमध्ये 250 मीटरचा स्लॅबचा भाग अचानक कोसळल्याने ही दुर्घटना घडली आहे.

बोगद्यात अडकून पडलेल्या 40 बांधकाम कामगारांना सुखरूप बाहेर काढण्यासाठी विविध मार्गाने प्रयत्न केले जात आहेत. मात्र अद्याप यश मिळत नसल्याने एल अँड टी कंपनीने बेळगाव येथे कार्यरत असलेल्या आपल्या दोन अभियंत्यांना उत्तराखंड येथे पाचारण केले आहे.

एल अँड टीच्या बेळगाव येथील पथकाने बोगद्यात कॅमेरा सोडून कामगार सुखरूप असल्याचे स्पष्ट केले आहे. बेळगाव येथे कार्यरत असलेले अभियंते दौदीप खंड्रा आणि भालचंद्र लक्ष्मण किल्लारी यांनी रोबोटिक कॅमेराचा वापर करून ते कामगार सुखरूप असल्याची माहिती दिली आहे.Bogada

दौदीप खंड्रा आणि भालचंद्र किल्लारी हे दोघे अभियंते बेळगावमध्ये एल अँड टी कंपनीकडे गेल्या अडीच वर्षापासून काम करत आहेत. भारत सरकारने एल अँड टीचे व्यवस्थापकीय संचालक (एमडी) एस. एन. सुब्रमण्यम यांना माहिती दिल्यानंतर त्यांनी आपल्या अधिकाऱ्यांशी चर्चा केली.

त्या अधिकाऱ्यांनी मग एल अँड टी बेळगावचे व्यवस्थापकीय संचालक हार्दिक देसाई यांच्याशी चर्चा केली. त्यानंतर गेल्या रविवारी खंड्रा आणि किल्लारी या अभियंत्यांना उत्तराखंड येथे पाठवून देण्यात आले. गेल्या सोमवारी 20 नोव्हेंबर रोजी त्यांनी आपल्या कामाला सुरुवात केल्यानंतर काल मध्यरात्री कामगार सुखरूप असल्याचे फुटेज त्यांनी मिळविले.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.