Sunday, July 21, 2024

/

सीडी प्रकरण : जारकीहोळी दिल्ली गाठण्याच्या तयारीत

 belgaum

माजी मंत्री रमेश जारकीहोळी यांच्याविरुद्धचा अश्लील सीडी षडयंत्राचा वाद दिल्लीला शिफ्ट होण्याची चिन्हे दिसू लागली आहेत. सीडी फॅक्टरी प्रकरण सीबीआयकडे सोपवावे अशी मागणी करणारे सावकार रमेश जारकिहोळी हे आता सर्व पुराव्यानिशी दिल्लीला रवाना होणार असल्याची माहिती समोर आली आहे.

अश्लील सीडी षडयंत्राशी संबंधित महत्त्वाची पुरावे घेऊन दिल्लीला रवाना होण्यासाठी सज्ज झालेले रमेश जारकिहोळी आज दुपारी बंगळूरहून दिल्लीला प्रयाण करण्याच्या तयारीत असल्याचे समजते. केंद्रीय गृहमंत्री अमित शाह यांची भेट घेण्यासाठी जारकिहोळी यांनी वेळ मागितली आहे.

त्यामुळे आज सायंकाळी किंवा उद्या शुक्रवारी सकाळी ते केंद्रीय मंत्री अमित शाह यांची भेट घेण्याची शक्यता आहे. बेळगाव येथे नुकत्याच आयोजित पत्रकार परिषदेमध्ये अश्लील सीडी षडयंत्रमागे काँग्रेस नेते डी. के. शिवकुमार हेच असल्याचा थेट आरोप रमेश जारकीहोळी यांनी केला आहे.

त्याचप्रमाणे पत्रकार परिषद उरकताच त्यांनी थेट बेंगलोर गाठून काल मुख्यमंत्री बसवराज बोम्मई यांची भेट घेऊन सीडी प्रकरण तपासासाठी सीबीआयकडे सोपवण्यासंदर्भात त्यांच्याशी चर्चा केली.

अश्लील सीडी षडयंत्राचे सर्व पुरावे आपल्याकडे असल्याचा दावा करणारे माजी मंत्री रमेश जारकिहोळी आता पुरावे घेऊन दिल्ली गाठण्याच्या तयारीत असल्याचे खात्रीलायक वृत्त आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.