Saturday, July 13, 2024

/

22 पासून ‘संघर्ष टू रन’ ॲथलेटिक्स चॅम्पियनशिप

 belgaum

भरतेश एज्युकेशन ट्रस्ट (बीएटी) ही संस्था यंदा आपले हीरक महोत्सवी वर्ष साजरे करत आहे. त्यानिमित्ताने संस्थेतर्फे श्री ज्योतिर्लिंग स्टॅंडर्ड ट्रॅक स्पोर्ट्सच्या सहकार्याने येत्या गुरुवार दि. 22 आणि शुक्रवार दि. 23 डिसेंबर रोजी ‘संघर्ष टू रन -2022’ या बेळगाव ॲथलेटिक्स चॅम्पियनशिपचे आयोजन करण्यात आले आहे.

बेळगाव जिल्हा क्रीडांगणावर होणाऱ्या या ॲथलेटिक चॅम्पियनशिपमधील विजेत्या स्पर्धकांसाठी एकूण 5 लाख रुपये किमतीची पारितोषिके पुरस्कृत करण्यात आली आहेत. सदर ॲथलेटिक्स क्रीडा महोत्सवासाठी आतापर्यंत कर्नाटकसह महाराष्ट्र व गोव्यातील विविध शाळा, महाविद्यालयं आणि क्लब्सच्या 1200 स्पर्धकांची नांव नोंदणी झाली आहे. या ॲथलेटिक्स चॅम्पियनशिप मधील यशस्वी स्पर्धक पाटणा (बिहार) येथे येत्या 11 जानेवारी 2023 पासून सुरू होणाऱ्या 14 व 16 वर्षाखालील आंतर जिल्हा राष्ट्रीय अथलेटिक्स चॅम्पियनशिप स्पर्धेसाठीच्या निवड चांचणीस पात्र ठरणार आहेत.

जिल्हा क्रीडांगणावरील बेळगाव ॲथलेटिक्स चॅम्पियनशिपचे उद्घाटन गुरुवार दि. 22 डिसेंबर रोजी सकाळी 9 वाजता होणार आहे. याप्रसंगी प्रमुख पाहुणे म्हणून विधान परिषद सदस्य हणमंत आर. निराणी आणि सन्माननीय अतिथी म्हणून बेळगाव उत्तरचे आमदार ॲड. अनिल बेनके उपस्थित राहणार आहेत.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.