Tuesday, July 23, 2024

/

सीमाप्रश्नी अधिवेशनात आवाज उठवू -आम. लंके

 belgaum

बेळगाव सीमाप्रश्नाचा सोक्षमोक्ष लागावा असे मलाही मनापासून वाटते. त्याकरिता माझ्या परीने जे कांही करता येईल ते करणार असून नागपूर येथील येथे हिवाळी अधिवेशनाच्या संदर्भात आपण आवाज उठवू, अशी ठाम ग्वाही महाराष्ट्रातील आमदार निलेश लंके यांनी दिली.

बेळगाव भेटीवर आलेले महाराष्ट्रातील आमदार निलेश लंके यांचा आज शनिवारी तुकाराम बँकेमध्ये सीमाप्रश्नासंदर्भातील माहिती पुस्तक देऊन सत्कार करण्यात आला. यावेळी बोलताना आमदार लंके यांनी उपरोक्त ग्वाही दिली. प्रारंभी मध्यवर्तीय महाराष्ट्र एकीकरण समितीचे सरचिटणीस माजी महापौर मालोजीराव अष्टेकर यांनी सीमाप्रश्न आणि सीमाप्रश्नाच्या सोडवणुकी संदर्भात चाललेल्या चळवळीची आमदार निलेश लंके यांना माहिती दिली.

येत्या 23 नोव्हेंबर रोजी सर्वोच्च न्यायालयात सीमाप्रश्नाची तारीख आहे. त्यासाठी पोषक अशा हालचाली व्हाव्यात तसेच भाषिक अल्पसंख्यांक आयोगाच्या अहवालानुसार सीमा भागात मराठी भाषेतून परिपत्रके दिली जावीत याकरिता नागपूर येथील महाराष्ट्र सरकारच्या हिवाळी अधिवेशनात आवाज उठविण्याची विनंती वजा मागणी त्यांनी आमदार लंके यांना केली. त्यावर बोलताना आमदार निलेश लंके यांनी उपरोक्त ग्वाही दिली.Lanke  bgm

सीमाप्रश्न हा तुम्हा आम्हा सर्वांच्या जिव्हाळ्याचा प्रश्न आहे. हा केवळ सीमावासियांचाच नव्हे तर माझा माझ्या कुटुंबाच्या प्रश्न आहे. या प्रश्नाच्या सोडवणुकीसाठी मी कटिबद्ध आहे. या प्रश्नाचा सोक्षमोक्ष लागावा असे मला मनापासून वाटते. त्याकरिता जे जे करता येईल ते ते मी करेन. सीमा भागातील आमदार, खासदार या संदर्भात आपल्याला मदत करतील ही अपेक्षा न केलेली बरी.

तेंव्हा आपण माननीय शरद पवार यांच्या सल्ल्यानुसार थेट राष्ट्रपतींची भेट घेऊन भाषिक अल्पसंख्यांक आयोगाच्या अहवालाची अंमलबजावणी करण्यासंदर्भात मागणी करू असेही आमदार निलेश लंके यांनी स्पष्ट केले. याप्रसंगी मध्यवर्ती महाराष्ट्र एकीकरण समितीचे खजिनदार प्रकाश मरगाळे, जनसंपर्कप्रमुख विकास कलघटगी आदी उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.