नवरात्रोत्सवाच्या औचित्याने आयोजिण्यात येणाऱ्या दुर्गामाता दौडच्या पार्श्वभूमीवर गुरुवारी पोलीस अधिकारी आणि शिवप्रतिष्ठान हिंदुस्थानच्या प्रमुख पदाधिकाऱ्यांची बैठक पार पडली. मार्केट एसीपी कार्यालयात झालेल्या बैठकीत दुर्गामाता दौड संदर्भात चर्चा करण्यात येऊन अधिकाऱ्यांनी महत्वाच्या सूचना केल्या आहेत.
मार्केटचे एसीपी एन. व्ही. बरमणी, खडेबाजार एसीपी ए चंद्रप्पा यांच्यासह शहरातील विविध पोलीस स्थानकाचे पोलीस निरीक्षक या बैठकीला उपस्थित होते.
शिवप्रतिष्ठानचे जिल्हाप्रमुख किरण गावडे यांच्यासह विश्वनाथ पाटील, परशराम कोकितकर, पुंडलिक चव्हाण, आनंद चौगुले, अजित जाधव, प्रसाद हुंसवाडकर आदींसह इतर प्रमुख पदाधिकारी देखील या बैठकीला हजर होते.
या बैठकीत दुर्गामाता दौडचा मार्ग आणि नियोजनासंदर्भात चर्चा करण्यात आली. दुर्गामाता दौड उत्साहात व चैतन्यपूर्ण वातावरणात साजरी करण्याचा निर्धार या बैठकीत करण्यात आला. यासाठी पोलीस दलाकडून सर्वतोपरी सहकार्य करण्याची ग्वाही अधिकाऱ्यांनी दिली. या बैठकीत पोलीस उपायुक्त रवींद्र गडादि यांनीही मार्गदर्शन केले.
