Friday, March 29, 2024

/

बेळगाव तालुक्याची लसीकरणात पिछेहाट

 belgaum

कोरोना प्रतिबंधक लसीकरण बेळगाव तालुका जिल्ह्यात पिछाडीवर असून लसीचा पहिला व दुसरा डोस न घेतलेल्यांची संख्या याठिकाणी सर्वाधिक आहे. बेळगाव तालुक्यातील 28,581 जणांना पहिला तर 96,865 जणांना अद्याप दुसरा डोस मिळालेला नसल्यामुळे आरोग्य खात्याला उद्दिष्टपूर्ती करण्यात अडचण येत आहे.

कोरोनाच्या तिसऱ्या लाटेच्या धोक्यामुळे लसीकरणाचा वेग वाढविण्याचा निर्णय घेण्यात आला आहे. राज्यातील प्रत्येक व्यक्तीला कोरोनाचा पहिला डोस मिळण्यासाठी आरोग्य खात्याचा प्रयत्न आहे. तथापि पहिला डोस न घेतलेल्यांची बेळगाव जिल्ह्यातील नागरिकांची संख्या दीड लाख आहे.

आरोग्य विभागाने प्रत्येक तालुक्यासाठी लसीकरणाचे उद्दिष्ट वाढवून देण्यासह पहिला व दुसऱ्या डोसा साठी स्वतंत्र उद्दिष्ट दिले आहे. मात्र एकाही तालुक्यात हे उद्दिष्ट पूर्ण झालेले नाही. बेळगाव तालुक्यासह जिल्ह्यात लसीचा पहिला डोस घेतलेल्यांची संख्या जास्त असली तरी अनेक जण आता दुसऱ्या डोसाच्या प्रतीक्षेत आहेत. तथापि आरोग्य खात्याने लस उपलब्ध करून देऊनही लस घेण्यास कोणीच पुढे येत नसल्याचे चित्र आहे.Vaccinations

 belgaum

बेळगाव जिल्ह्यातील विविध तालुक्यांमधील पहिला आणि दुसरा डोस न घेतलेल्या नागरिकांची आकडेवारी (अनुक्रमे तालुका, पहिला डोस न घेतलेले, दुसरा डोस न घेतलेले याप्रमाणे) पुढीलप्रमाणे आहे.

अथणी : 12,080 -54,986, बैलहोंगल : 15,292 -3,425, बेळगाव : 28,581 -94,865, चिकोडी : 6,149 -81,632, गोकाक : 26,753 -40,671, हुक्केरी : 2,905 -23,329, खानापूर : 11,378 -15,587, रायबाग :19,848 -18,218, रामदुर्ग : 6,223 -4,498, सौंदत्ती : 11,711 -13,344.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.