कर्नाटकाचे मुख्यमंत्री आज दिल्लीत आहेत.दिल्ली येथे मुख्यमंत्री बसवराज बोम्मई यांनी आंतरराज्य पाणीतंटा सोडविण्यासंदर्भात कायदेतज्ञांच्या पथकाशी चर्चा केली.
या बैठकीत आंतरराज्य पाणीतंटा सोडविण्यासंदर्भात कशाप्रकारे कायदेशीर लढाई द्यायची याबाबत विचारमंथन करण्यात आले. बैठकीनंतर प्रसारमाध्यमांशी बोलताना मुख्यमंत्री बोम्मई यांनी सांगितले की, तमिळनाडूच्या चालविलेला नदीजोड प्रकल्प बेकायदेशीर आहे. त्याच्या विरोधात कायदेशीर लढाई देण्यात येणार आहे त्यावर आजच्या बैठकीत सविस्तर चर्चा करण्यात आली.
आंतरराज्य पाणीतंटा सोडविण्या संदर्भात कायदेतज्ञांच्या पथकाशी
चर्चा केली असल्याची माहिती स्वतः कर्नाटकाचे मुख्यमंत्री बसवराज बोम्मई यांनी
दिली आहे.
मेकेदाटू, म्हादई आणि अपर कृष्णा प्रकल्पाबाबतही विचार सुरु आहे. सप्टेंबरमध्ये म्हादई प्रकल्प प्रकरण सुनावणीस येणार आहे. त्याच्या कायदेशीर लढाईची रूपरेषा ठरविण्यावर चर्चा केली आहे. आठवड्याच्या आत याचा अहवाल देण्याची सूचना ऍडवोकेट जनरलना केली असल्याचे मुख्यमंत्र्यांनी सांगितले.
या बैठकीला कर्नाटकाचे जलसंसाधन मंत्री गोविंद कारजोळ, आरोग्यमंत्री डॉ. के. सुधाकर, खा. शिवकुमार उदासी, जलसंसाधन खात्याचे अपर मुख्य सचिव राकेशसिंग, मुखमंत्र्यांचे मुख्य सचिव मंजुनाथ प्रसाद, ऍडवोकेट जनरल प्रभुलिंग नावलगी आदी उपस्थित होते.
