बेळगाव जिल्ह्यात गेल्या 24 तासात नव्याने 47 कोरोनाग्रस्त रुग्ण आढळून आढळून आल्यामुळे आज मंगळवार दि. 6 एप्रिल 2021 रोजी जिल्ह्यातील कोरोनाबाधीत रुग्णांची एकूण संख्या 27,641 इतकी झाली आहे. त्याचप्रमाणे आत्तापर्यंत जिल्ह्यात एकूण 6,00,403 व्यक्तींचे वैद्यकीय निरीक्षण पूर्ण झाले आहे.
बेळगांव जिल्हा आरोग्य आणि कुटुंब कल्याण खात्याच्या सर्व्हिलन्स युनिटने प्रसिद्धीस दिलेल्या कोरोना वैद्यकीय पत्रकानुसार आज मंगळवार दि. 6 एप्रिल 2021 रोजी सायंकाळी 7 वाजेपर्यंत कोरोनासंदर्भात बेळगांव जिल्ह्यात एकूण 6,00,403 व्यक्तींचे वैद्यकीय निरीक्षण करण्यात आले. जिल्ह्यात 14 दिवसांसाठी होम काॅरन्टाईन केलेल्या जिल्ह्यातील व्यक्तींची संख्या 36,478 झाली असून हॉस्पिटलमध्ये आयसोलेशन करण्यात आलेल्या व्यक्तींची संख्या 333 आहे. काॅरन्टाईन अर्थात विलगीकरणाचा 14 दिवसांचा कालावधी पूर्ण केलेल्या लोकांची संख्या 29,718 आहे, तर काॅरन्टाईनचा 28 दिवसांचा कालावधी पूर्ण केलेल्या व्यक्तींची संख्या 5,33,874 आहे.
कोरोना विषाणू संसर्ग निदानासाठी एकूण 5,99,311 जणांचे स्वॅब नमुने घेण्यात आले होते. त्यापैकी 27,641 नमुन्यांचा वैद्यकीय अहवाल कोरोना पॉझिटिव्ह आला असून यामध्ये आज मंगळवारी नव्याने आढळलेल्या 47 जणांच्या अहवालांचा समावेश आहे. प्रयोगशाळेत धाडलेल्या नमुन्यांपैकी 5,63,521 नमुने निगेटिव्ह असून जिल्ह्यात सक्रिय रुग्ण (ॲक्टिव्ह केसीस) 333 आहेत. त्याचप्रमाणे 1,897 नमुन्यांचा अहवाल प्रलंबित आहे.
जिल्ह्यात आतापर्यंत 344 रुग्णांचा कोरोनामुळे मृत्यू झाला असून 26,964रुग्ण कोरोना विषाणूच्या संसर्गापासून मुक्त अर्थात पूर्णपणे बरे झाले असून त्यांना हॉस्पिटलमधून डिस्चार्ज देण्यात आला आहे. जिल्ह्यात आज मंगळवारी आढळलेल्या कोरोनाग्रस्त रुग्णांमध्ये बेळगाव तालुक्यातील 21, चिक्कोडी 11, गोकाक 4, अथणी 3, बैलहोंगल व रामदूर्ग प्रत्येकी 1, तर खानापूर रायबाग व इतर प्रत्येकी 2 अशा एकुण 47 रुग्णांचा समावेश आहे.
